பெங்களூரு: இந்திய அரசு பதிவுகளின்படி காடுகளாக வகைப்படுத்தப்பட்ட 29.5% நிலங்கள், வனப்பகுதியில் இல்லை என்று இந்திய வன அறிக்கை (ஐ.எஸ்.எஃப்.ஆர்), 2019 கூறுகிறது. இந்த நிலங்களில் சில சாலை அமைத்தல் மற்றும் சுரங்கத்திற்காகவும், இன்னும் சில விவசாய நிலங்களாக திருப்பி விடப்பட்டுள்ளன.

அரசு பதிவுகளில் 767,419 சதுர கி.மீ நிலம் வனப்பகுதியாக பதிவு செய்யப்பட்டுள்ள நிலையில், 226,542 சதுர கி.மீ.க்கு காடுகள் இல்லை என்று 2019 டிசம்பர் 30 அன்று வெளியிடப்பட்ட இந்திய வன கணக்கெடுப்பு அறிக்கை (எஃப்.எஸ்.ஐ) தெரிவித்துள்ளது. இது தவறானது, ஏனென்றால் காடுகள் இல்லாத பகுதிகள் தொடர்ந்து வனப்பகுதிகளாக குறிக்கப்படுகின்றன.

வனப்பரப்பானது, 0.01 சதுர கி.மீ.க்கும் (ஒரு ஹெக்டேர்) அதிகமான நிலம் மற்றும் 10%-க்கும் அதிகமான மர விதான அடர்த்தி கொண்டது; இது நிலத்தின் சட்டபூர்வமான உள்ளது. எஃப்.எஸ்.ஐ.யின் "பதிவுசெய்யப்பட்ட வனப்பகுதி" என்பது உண்மையான விதான அடர்த்தியைப் பொருட்படுத்தாமல், அரசு பதிவுகளின்படி, சட்டபூர்வமாக ஒரு காடாகக் கருதப்படும் நிலத்தை உள்ளடக்கியது.

"பதிவுசெய்யப்பட்ட வனப்பகுதி என்பது வனத்துறை தங்களின் அதிகாரபூர்வ பதிவாக இருப்பதால், அது அவர்களின் நிலப் பதிவாக செயல்படுகிறது" என்று புதுடெல்லியை சேர்ந்த லாப நோக்கற்ற கொள்கை ஆராய்ச்சி மையத்தின் மூத்த ஆராய்ச்சியாளர் காஞ்சி கோலி கூறினார். இதன் சாராம்சம், பதிவு செய்யப்பட்ட வனப்பகுதி, வனத்துறையின் அதிகார வரம்பைக் குறிக்கிறது என்று அவர் கூறினார். பதிவுசெய்யப்பட்ட வனப்பகுதியானது, எடுத்துக்காட்டாக, உள்ளூர் வனத்துறைக்கு சொந்தமான ஆனால் வனப்பகுதி இல்லாத நிலம் அடங்கும்; ஏனெனில் இது சாலை அமைத்தல் மற்றும் சுரங்கம் போன்ற வளர்ச்சி நடவடிக்கைகளுக்கு பயன்படுத்தப்பட்டுள்ளது அல்லது விவசாய பயன்பாட்டில் உள்ளது என்று கோஹ்லி கூறுகிறார்.

Forest Cover and Recorded Forest Area (RFA) as explained by the India State of Forest Report, 2019

திருப்பிவிடப்பட்ட நிலம் எவ்வாறு சட்டபூர்வ வனப்பகுதியாகவே உள்ளது

அனுமதிக்காக வனத்துறை கடிதத்தை (இது போன்றது) வெளியிடும்போது, அக்கடிதங்களில், ஒப்புதல் தரப்பட்ட பின்னரும் கூட "திசை திருப்பப்பட்ட வன நிலங்களின் சட்டபூர்வ நிலை மாறாமல் இருக்கும்" என்று ஒரு நிலையான விதி சேர்க்கப்பட்டுள்ளது.

"சுரங்கப்பணி முடிந்த பின், அந்த குழி நிரப்பப்பட்டு வனத்துறையிடமே திரும்பத்தரப்படுகிறது. மீன்பிடி மற்றும் சுற்றுலா போன்ற நோக்கங்களுக்காக நீர்த்தேக்கமாக அது வனத்துறையால் தொடர்ந்து கட்டுக்கும் வைத்திருக்கப்படுகிறது," என்று கோலி கூறி, திருப்பிவிடப்பட்ட நிலங்களின் நிலை தொடர்பான சட்டத்தை மாற்றாததற்கான காரணங்களை விளக்குகிறார்.

தற்போது சாகுபடிக்கு உட்பட்ட நிலங்கள், வன உரிமைகள் சட்டத்தின் (எஃப்.ஆர்.ஏ) கீழ் தீர்க்கப்படாத உரிமைகோரல்கள் மற்றும் பழங்குடி மக்கள் வரலாற்று ரீதியாக வாழும் பகுதிகள் ஆகியவை "காடுகள் இல்லாமல் பதிவு செய்யப்பட்ட வனப்பரப்பு" என்றும் குறிக்கப்படலாம் என்று கோஹ்லி மேலும் கூறினார்.

‘காடுகள் இல்லாமல் பதிவுசெய்யப்பட்ட வனப்பரப்பு’ என்பதன் அர்த்தத்திற்குள் வரும் கேள்விகளுக்கு பதிலளித்த எஃப்.எஸ்.ஐ இயக்குநர் ஜெனரல் சுபாஷ் அசுதோஷ், “இவை சுற்றுச்சூழல் முக்கியத்துவம் வாய்ந்த பகுதிகள்; ஆனால் பாலைவனங்கள், மரங்கள் வளராத உயரமான பகுதிகள், சதுப்பு நிலங்கள் மற்றும் புல்வெளிகள் போன்றவை காடுகளற்ற பகுதியாக இருக்கலாம்” என்றார்.

மாற்று சாகுபடிக்கு உட்பட்ட பகுதிகள் ‘பதிவுசெய்யப்பட்ட வனப்பகுதியின்’ ஒரு பகுதியாக இல்லை என்ற அசுதோஷ், வடகிழக்கில் உள்ள நிலங்கள் பெரும்பாலும் சமூகத்தவர்களுக்கு சொந்தமானவை என்றார். சாகுபடி நிலங்களை பிற சந்தர்ப்பங்களில், "அவை நாட்டின் மொத்த வனப்பகுதியின் ஒரு பகுதியாக வகைப்படுத்தப்பட்டிருக்கலாம்" என்று அவர் கூறினார்.

நாகாலாந்தை சேர்ந்த, நீடித்த மேம்பாட்டுக்கான தன்னார்வ தொண்டு நிறுவனமான நீடித்த மேம்பாட்டு அமைப்பின் கொள்கை ஆய்வாளர் அம்பா ஜமீர் கூறுகையில், இந்த [மாற்று சாகுபடி] நிலங்கள், பல தலைமுறைகளாக மாற்று சாகுபடியை சமூகங்கள் கடைப்பிடித்து வந்துள்ளன. பொதுவாக, ஒரு சமூகம் இந்த நிலங்களை தொடர்ந்து பயன்படுத்துகிறது, முதன்மை வனத்தை அது துண்டிக்காது என்றார்.

இன்று, இந்த நிலங்கள் பல சாகுபடியை மாற்றுவதற்கு தீவிரமாக பயன்படுத்தப்படவில்லை, மேலும் அவை இரண்டாம் நிலை காடு வளர்ந்த தரிசு நிலங்களாக விடப்படுகின்றன. "இதுதான் ஐ.எஸ்.எஃப்.ஆரில் 'வனப்பகுதி' என்று பொருத்தப்பட்டிருக்கலாம்," என்று அவர் விளக்கினார். தற்போது சாகுபடிக்கு உட்பட்டுள்ள நிலங்களும் குறைந்தது 10 சதவீத விதானஅடர்த்தி கொண்ட நிலங்களும் ‘வனப்பகுதி’ என்ற பொருளில் சேர்க்கப்பட்டிருக்கலாம்.

"சாகுபடி நிலங்கள் மாற்றம் ஒருபோதும் புள்ளிவிவர ரீதியாக கணக்கெடுக்கப்படவில்லை," என்று ஜமீர் கூறினார்; இந்த நிலங்கள் பதிவு செய்யப்பட்ட வனப்பகுதியின் ஒரு பகுதியாக சேர்க்கப்பட்டிருக்க முடியுமா என்பதற்கு அவர் பதிலளித்தார். "எனவே, கணக்கெடுப்பு தரவு இல்லாததால், சாகுபடி நிலங்களை மாற்றுவது அரசின் உத்தியோகபூர்வ பதிவுகளில் வனப்பகுதியாக சேர்க்கப்பட்டுள்ளதா என்பதை நம்மால் உறுதியாக சொல்ல முடியாது" என்றார்.

காடுகள் இல்லாத வனப்பகுதியின் ஆபத்துகள்

திசைதிருப்பப்பட்ட நிலத்தை வனப்பகுதியாக வகைப்படுத்துவது காடழிப்பு நடவடிக்கைகள் எவ்வாறு கணக்கிடப்படுகின்றன என்ற கேள்வியை எழுப்புகிறது.

"மேம்பாட்டு திட்டங்களுக்காக வனத்தை திசைதிருப்பல் மற்றும் வருடாந்திர காட்டுத் தீ காரணமாக ஏற்படும் சீரழிவு ஆகியவற்றால் வன இழப்புகளை ஐ.எஸ்.எஃப்.ஆர் எவ்வாறு கணக்கிடுகிறது?" என்று, வனவிலங்கு பாதுகாப்பு மற்றும் திட்டங்களுக்கான சுற்றுச்சூழல் அனுமதி குறித்து அரசுக்கு ஆலோசனை வழங்கும் சட்டப்பூர்வ அமைப்பான தேசிய வனவிலங்கு வாரியத்தின் முன்னாள் உறுப்பினர் பிரவீன் பார்கவ் கேள்வி எழுப்பினார். காடுகளாக பதிவு செய்யப்பட்ட நிலங்களில் எஃப்.ஆர்.ஏ உரிமைகோரல்கள் ஏற்றுக்கொள்ளப்படும்போது, எந்த வகையான வழிமுறை பயன்படுத்தப்படுகிறது என்பதும் அவரது கேள்வியாகும். காடுகளை அழிப்பதன் மூலம் வனங்களை துண்டு துண்டாக்குவதில் கவனம் செலுத்தாமல், "ஐ.எஸ்.எஃப்.ஆர் நாட்டை களங்கமாக்குகிறது”; இது வனப்பகுதிக்கு ஒரு முக்கியமான சவால் என்று பார்கவ் கூறினார்.

"காடுகள் அகற்றப்பட்ட பகுதிகள் மற்றும் வளர்ச்சி நடவடிக்கைகளுக்காக நிலம் திருப்பி விடப்பட்ட பகுதிகள்" பதிவு செய்யப்பட்ட வனப்பகுதியில் "சேர்க்கப்பட்டுள்ளன" என்று அசுதோஷ் கூறினார். இது காடழிப்பை கண்காணிக்கும் மற்றும் ஊக்கப்படுத்தும் முயற்சிகளுக்கு இடையூறாக இருக்குமா என்று கேட்கப்பட்டபோது, "காடழிப்பு நாட்டில் ஒரு பெரிய பிரச்சினையாக கருதப்படவில்லை; வனப்பகுதியை இழக்க இது ஒரு முக்கிய காரணமல்ல”. சீரழிவு என்பது ஒரு பெரிய பிரச்சினையாகும், ஏனெனில் வன பாதுகாப்பு சட்டத்தின் கீழ் மரம் வள ர்ப்பு நடவடிக்கைகளால் காடழிப்பு குறைவாகவே ஈடுசெய்யப்படுகிறது என்று அசுதோஷ் மேலும் கூறினார்.

சுரங்க மற்றும் சாலை அமைத்தல் போன்ற வனம் சாராத நோக்கங்களுக்காக வன நிலங்கள் திருப்பி விடப்படும் சந்தர்ப்பங்களில் வன பாதுகாப்பு சட்டம் காடு அல்லாத அல்லது சீரழிந்த நிலங்களில் தான் வன அழிப்பு இருக்க வேண்டும் என்று கூறுகிறது. எப்படியானாலும், இக்கொள்கை காடுகளை அழிக்க அனுமதிப்பதற்கும், கார்பனை உறிஞ்சுவதற்கும், நிலத்தடி நீர் மட்டங்களை செறிவூட்டுவதற்கும், வனவிலங்குகளுக்கு அடைக்கலம் தரும் வனத்தை வழங்காத ஒற்றை கலாச்சார தோட்டங்களை ஊக்குவிப்பதற்காக விமர்சிக்கப்படுகிறது.

மற்ற பகுதிகளை காடுகள் இல்லாத வனப்பகுதிகள் என வகைப்படுத்துவதில் உள்ள கவலை - இது உள்ளூர் சுற்றுச்சூழல் அமைப்பு பற்றிய புரிதல் இல்லாமல் சீரழிந்த நிலங்களை குறிச்சொல் மற்றும் தோட்ட நடவடிக்கைகளை மேற்கொள்வதற்கான அடிப்படையை உருவாக்க முடியும்.

உதாரணமாக, இந்த பகுதி புல்வெளிகளாக இருக்கலாம், ஆனால் வனப்பகுதி இல்லாத வனநிலம் என வகைப்படுத்தப்படுவது, அந்த நிலத்தை ஆபத்தில் ஆழ்த்தக்கூடும். குறிப்பாக இது “வனத்துறையின் நிர்வாகத்தின் கீழ் இருப்பதால், வனமற்ற உயிர்கட்டுகளை தவறாக அறிவுறுத்தப்பட்ட மரம் நடவு மூலம் அழித்துவிட்டது” என்று சுயாதீன ஆராய்ச்சியாளரான எம்.டி மதுசூதன் விளக்கினார்.

உதாரணமாக, மேற்குத்தொடர்ச்சி மலைகளின் ஷோலா காடுகளில் உள்ள புல்வெளிகள் சீரழிந்ததற்கு ஒரு காரணம், அவை தரிசு நிலங்கள் என்ற தவறான எண்ணத்தால் தான்; அவற்றில் சில பின்னர் காடழிப்புக்கு உட்படுத்தப்பட்டு, அந்த பகுதியின் சுற்றுச்சூழலை மாற்றியது என 2019 ஆய்வு காட்டியது.

இப்பகுதி காடுகளை இழந்த வனப்பகுதியாக இருந்தாலும், தோட்ட நடவடிக்கைகள் இன்னும் சேதமடையக்கூடும். "இதுபோன்ற பகுதிகள் தொடர்ந்து வேருக்கான பங்குகளை கொண்டிருக்கும்" என்று பார்கவ் கூறினார். இயற்கை மீளுருவாக்கம், தீ விபத்து, வெட்டி அழித்தல், மேய்ச்சல் போன்றவற்றில் இருந்து பாதுகாப்பதோடு தரவு மற்றும் அந்த சுற்றுச்சூழல் அமைப்பின் புரிதலை கொண்டு மட்டுமே செய்ய முடியும்.

‘காடுகள் இல்லாமல் பதிவு செய்யப்பட்ட வனப்பகுதி’ போன்ற பொதுவான குறிச்சொற்கள் தவறான சிந்தனையற்ற காடு வளர்ப்பு நடவடிக்கைகளை மேற்கொள்வதற்கான அடிப்படையாக மாறக்கூடும். இது உண்மையில் கடந்த காலங்களில் நிகழ்ந்தது என்று அசுதோஷ் கூறினார். சுற்றுச்சூழல் அமைச்சகம் இப்போது சிறந்த வழிகாட்டுதல்களைக் கொண்டுள்ளது, மேலும் நிலத்தையும், வெவ்வேறு மரங்கள் மற்றும் தாவர இனங்களையும் நாம் புரிந்து கொள்ள முயற்சிக்க வேண்டும் என்றார்.

(பர்திகர், பெங்களூருவை சேர்ந்த சுயாதீன பத்திரிகையாளர்).

உங்களின் கருத்துகளை வரவேற்கிறோம். கருத்துகளை respond@indiaspend.org. என்ற முகவரிக்கு அனுப்பலாம். மொழி, இலக்கணம் கருதி அவற்றை திருத்தும் உரிமை எங்களுக்கு உண்டு.

Rishika Pardikar