ஊட்டச்சத்து குறைபாடுள்ள குழந்தைகளை இலக்காகக்கொள்ள, இந்தியாவுக்கு ஏன் கிராம அளவிலான தரவு தேவை

0-5 வயதுக்குட்பட்ட குழந்தை ஊட்டச்சத்துக் குறைபாட்டில் உள்ள வேறுபாடுகள் மாநில மற்றும் மாவட்ட அளவில் மட்டுமல்ல, குறிப்பாக கிராம அளவிலும் உள்ளதாக, ஏப்ரல் 2021 இல் வெளியிடப்பட்ட ஹார்வர்ட் பல்கலைக்கழக ஆய்வு கூறுகிறது. இது, 2016 இந்திய மக்கள்தொகை மற்றும் சுகாதார கணக்கெடுப்பு (DHS -டி.எச்.எஸ்) அல்லது தேசிய குடும்ப சுகாதார கணக்கெடுப்பு (NFHS ) ஆகியவற்றின் தரவை 2011 மக்கள் தொகை கணக்கெடுப்பில் இருந்து கிராம அளவிலான மக்கள்தொகை மற்றும் வசதிகளின் தரவுகளுடன் ஒருங்கிணைத்து மேற்கொண்டது. மாதிரிகள் மூலம் கணிக்கப்பட்ட என்.எப்.எச்.எஸ் மற்றும் மக்கள் தொகை கணக்கெடுப்பு தரவுகளின் அடிப்படையில் குழந்தை ஊட்டச்சத்து குறைபாட்டின் மதிப்பீடுகளை இந்த ஆய்வு பயன்படுத்தியது.

திறந்த வெளியில் மலம் கழித்தல், சுத்தமான குடிநீருக்கான அணுகல் இல்லாமை மற்றும் தாய்வழி ஊட்டச்சத்து போன்ற காரணிகளால் குழந்தையின் ஊட்டச்சத்து அளவுகள் மற்றும் ஆரோக்கியம் பாதிக்கப்படலாம். இந்தியாவில் ஐந்து வயதுக்குட்பட்ட இறப்புகளில் 68% வரை தாய் மற்றும் குழந்தை ஊட்டச்சத்து குறைபாடு காரணமாக இருந்தன என்று 2020 ஆம் ஆண்டில் இந்தியாஸ்பெண்ட் கட்டுரை தெரிவித்துள்ளது. 2019-20 ஆம் ஆண்டிற்கான சமீபத்திய என்எஃப்ஹெச்எஸ் -5 தரவு கடந்த சில ஆண்டுகளில் குழந்தைகளிடையே ஊட்டச்சத்து மோசமடைந்துள்ளதாகக் கண்டறிந்துள்ளது - முதல் கட்டத்தில் கணக்கெடுக்கப்பட்ட 22 மாநிலங்கள் மற்றும் யூனியன் பிரதேசங்களில் 18 மாநிலங்களில் கால் பகுதியினர் குன்றி இருந்தனர்.

ஊட்டச்சத்துக் குறைபாட்டை போக்குவதற்காக செயல்படும் தேசிய ஊட்டச்சத்து மிஷன் (என்.என்.எம்), குழந்தை ஊட்டச்சத்துக் குறைபாட்டை ஆண்டுக்கு குறைந்தது 2% குறைக்கும் இலக்கை நிர்ணயித்துள்ளது.

எவ்வாறாயினும், இந்த இலக்கை அடைய, ஒவ்வொரு கிராமத்திலும் உள்ள உள்ளூர் பிரச்சினைகளை குறிவைப்பதில் கிராம அளவிலான தரவு முக்கியமானதாக இருக்கும், கொள்கைகள் மற்றும் தலையீடுகள் உண்மையில் செயல்படுகின்றனவா என்பதைப் புரிந்துகொள்வது என்று நிபுணர்கள் தெரிவித்தனர். எடுத்துக்காட்டாக, ஹார்வர்ட் ஆய்வில் இடம் பெற்றுள்ள மிசோரமில் உள்ள ஹார்டோகி என்ற கிராமம், அதன் குழந்தை மக்கள்தொகையில் 11.4% என்றளவில் வளர்ச்சிக்குறைபாடு உள்ளவர்களை கொண்டிருப்பதாக அறிவித்தது, ஆனால் 60 கி.மீ தூரத்தில் உள்ள புக்வன்னேயின் மற்றொரு கிராமத்தின் எண்ணிக்கை இதில், 55.9% ஆகும்.

பசி ஒழிப்பதற்கான தனது இலக்கு ஆண்டாக 2030 ஐ, இந்தியா நிர்ணயம் செய்துள்ளது. தற்போதைய கோவிட் தொற்றுநோய், இந்த இலக்கை பாதிக்கும், ஆனால் தானிய விநியோகத்தை கையாள்வதிலும், ஏழை குடும்பங்களை வேகமாக அடைவதிலும் பஞ்சாயத்துகள் எவ்வாறு முக்கிய பங்கு வகிக்கின்றன என்பதையும் இது காட்டுகிறது.

ஹார்வர்ட் ஆய்வு கருத்தில் கொள்வது முக்கியம், ஏனெனில் இது "உள்ளூர் மற்றும் பிராந்திய முடிவெடுப்பவர்களுக்கு குழந்தை பருவ ஊட்டச்சத்துக் குறைபாட்டில் கணிசமான கிராம ஏற்றத்தாழ்வுகளை நன்கு புரிந்துகொள்ள" உதவும் ஒரு முன்னோக்கை அமைக்கிறது என்று, எஸ்.வி. ஆய்வின் வெளியீட்டைக் குறிக்கும் செய்திக்குறிப்பில் ஹார்வர்ட் சான் பள்ளியில் இணை ஆசிரியர் மற்றும் மக்கள் சுகாதார மற்றும் புவியியல் பேராசிரியர் சுப்பிரமணியன் தெரிவித்தார்.

மாநிலங்களுக்குள் மாவட்டங்கள் மற்றும் கிராமங்கள் முழுவதும் பெரும் வேறுபாடுகள்

உள்ளூர் அளவில் பல்வேறு குறிகாட்டிகளின் தரவைச் சேகரிப்பது கிராமங்களில் சரியாக என்ன நடக்கிறது - ஒரு குக்கிராமம் பரவலான திறந்த மலம் கழிப்பதை தெரிவித்தால் அல்லது அதற்கு ஒரு குறிப்பிட்ட சுகாதார பிரச்சினை இருந்தால், அது பற்றிய ஒரு பார்வையை நமக்குத் தருகிறது. சில கிராம அளவிலான தகவல்கள் சுகாதார ஊழியர்களால் சேகரிக்கப்படுகின்றன, ஆனால் அவை மேலோட்டமாக இருக்கும் மற்றும் விநியோகத்தின் அனைத்து அம்சங்களிலும் டிஜிட்டல் மயமாக்கப்படவில்லை என்று நிபுணர்கள் தெரிவித்தனர். (பல மூலங்களில் இருந்து சேகரிக்கப்பட்ட தனிப்பட்டத்தரவு ஒருங்கிணைந்த சுருக்கங்கள் அல்லது போக்குகளுக்கு தொகுக்கப்படும்போது, ​​இந்த செயல்பாட்டில் தனிப்பட்ட தரவு இழக்கப்படுகிறது).

என்.எப்.எச்.எஸ் போன்ற பெரிய அளவிலான ஆய்வுகள் மாநிலங்கள் மற்றும் மாவட்டங்களில் சுகாதாரம், சுகாதாரம் மற்றும் குடும்பக் கட்டுப்பாடு பற்றிய தகவல்களை வழங்குகின்றன, அதே நேரத்தில் விரிவான தேசிய ஊட்டச்சத்து ஆய்வு (சிஎன்என்எஸ்- CNNS) குழந்தைகள் மற்றும் வளரிளம் பருவத்தினரின் ஊட்டச்சத்து நிலை குறித்த தரவுகளை சேகரிக்கிறது.

ஹார்வர்ட் ஆய்வின் கண்டுபிடிப்புகள் - மற்றும் வல்லுநர்கள் - இந்த அளவிலான தரவு போதுமானதாக இல்லை என்று கூறுகிறார்கள். ஏன் என்று புரிந்து கொள்ள ஒரு அங்கன்வாடி ஊழியரிடம் பேசினோம்.

கேரளாவின் திரிசூரில், அங்கன்வாடி தொழிலாளி சோபா எம். அவரது பஞ்சாயத்தான பழையண்ணூர், பெண்கள் மற்றும் குழந்தைகளிடையே எடை குறைவு மற்றும் இரத்த சோகை போன்ற பல நிகழ்வுகளைக் காட்டியுள்ளது என்று, தொலைபேசியில் அவர் தெரிவித்தார். ஆனால் மற்ற கிராமங்களில் இது இருக்கக்கூடாது, நகரங்களுக்கு அருகில் அல்லது வனப்பகுதிகளில் அதிகமாக அமைந்திருக்கும் என்று அவர் சுட்டிக்காட்டினார். இதன் பொருள், குழந்தைகளுக்கான மத்திய நிதியுதவி மதிய உணவு திட்டம் போன்ற கொள்கைக்கு, குறிப்பிட்ட உள்ளூர் இலக்குகள் தேவைப்படும். ஏனெனில், இது மாவட்டங்களில் சமமாக இயங்காது. இதற்காக, உள்ளூர் அளவிலான தரவு முக்கியமானது.

மோசமாக பாதித்த மாநிலங்கள் கூட, மாவட்ட, கிராம அளவில் வேறுபாடுகளைக் காட்டுகின்றன

ஹார்வர்ட் பல்கலைக்கழக ஆய்வில், இந்தியாவின் கிராமங்கள் முழுவதும் குழந்தைகளின் ஊட்டச்சத்துக் குறைபாட்டை அளவிடப் பயன்படுத்தப்படும் மூன்று அளவுருக்களில் கணிக்கப்பட்ட மாறுபாடுகள் கண்டறியப்பட்டன. மத்திய மற்றும் வட இந்தியா - குறிப்பாக பீகார், மத்தியப் பிரதேசம், ஜார்க்கண்ட் மற்றும் உத்தரப்பிரதேசம் (உ.பி.) - இந்த குறிகாட்டிகளின் அதிக சுமையைக் காட்டுகின்றன.

இருப்பினும், "எந்தவொரு மாவட்டத்திலும் அதிக மற்றும் குறைந்த அளவிலான சுமைகளைக் கொண்ட கிராமங்களின் கலவை உள்ளது" என்று ஆய்வில் கண்டறியப்பட்டுள்ளது.

உத்தரப்பிரதேசம், 42.3% வளர்ச்சி குறைபாட்டை (அல்லது வயதுக்கு குறைந்த உயரம்) கொண்டிருந்தாலும், அதன் கிராமங்களில் கிட்டத்தட்ட மூன்றில் ஒரு பகுதியினர் தேசிய வளர்ச்சி குறைபாட்டை, சராசரியான 37.9% ஐ விட குறைவாக மதிப்பிட்டுள்ளனர். ஒரே மாவட்டங்களுக்குள் உள்ள கிராமங்கள் கூட வெவ்வேறு அளவிலான வளர்ச்சியின்மையை காட்டியுள்ளன என்று ஆய்வு தெரிவித்துள்ளது.

இந்தியாவில் குழந்தைகள் மத்தியில் எடை குறைபாட்டை அதிகமாக ஜார்கண்ட் (43.4%) கொண்டுள்ளது, பாலமு மாவட்டம் மிக அதிகபட்சமான சராசரிகளில் (43.8%) ஒன்றாகும் . ஆனால் மாவட்டத்திற்குள் குறிப்பிடத்தக்க வேறுபாடுகள் இருந்தன - 25% கிராமங்கள் தேசிய சராசரியை விட (34.9%) குறைந்த சதவீதத்தை கொண்டிருந்தன. இதற்கிடையில், பாலாமுவில் உள்ள மற்றொரு 10% கிராமங்கள், 59% ஐ விட அதிகமான சுமைகளைக் காட்டின, இது தேசிய மற்றும் மாவட்ட சராசரியை விட மிக அதிகம்.

கிராமப்புறங்களில் (29.3%) வீணடிக்கும் அதிக சுமையை ஜார்க்கண்ட் காட்டியது. இருப்பினும், மாநிலத்திற்குள் கிட்டத்தட்ட 20% கிராமங்கள் தேசிய வீணான சராசரியான 21.8% ஐ விட குறைவாக வீணாகும் என்று கணித்துள்ளன. ஊட்டச்சத்து கொள்கைகளை சிறப்பாக செயல்படுத்துவதில் பெயர் பெற்ற தமிழகம் கூட வேறுபாடுகளைக் காட்டியது. உதாரணமாக, தேனியில் எட்டு கிராமங்கள் 10% க்கும் குறைவாக வளர்ச்சிக்குறைபாட்டை காட்டின, அதே மாவட்டத்தில் உள்ள ஐந்து கிராமங்கள் 40% க்கும் அதிகமானவை வளர்ச்சி குறைபாட்டை கொண்டிருந்தன.

இந்த எண்களுக்கு அப்பால், கோவிட் -19 தொற்றுநோயின் தாக்கத்தால் இந்த தருணத்தில், களத்தில் வழக்கு மோசமடையக்கூடும், இதற்கு முன்னர் 2020 ஜூன் மாதம் நாங்கள் குறிப்பிட்டிருந்தோம்.

தரவு திரட்டப்படுவதால் அவை பரல்தன்மையை இழக்கின்றன

இந்த தகவல்கள் பெரும்பாலும் பதிவேட்டில் காணப்படுவதால் - அல்லது, டிஜிட்டல் மயமாக்கப்பட்டால், அவை மேலோட்டமாக திரட்டப்பட்டு, திட்டங்களை கண்காணிக்கும் அதிகாரிகளுக்கு கிடைக்கின்றன என்பதால், அங்கன்வாடி தொழிலாளர்களால் சேகரிக்கப்பட்ட நேர்த்தியான அல்லது பிரிக்கப்படாத தரவுகளை அனைவருக்கும் அணுக முடியாது.

முன்னுரிமை தேவைப்படும் இலக்கு பகுதிகளை அடையாளம் காணவும், உள்ளூர் அளவில் திட்டங்கள் மற்றும் கொள்கைகளின் வெற்றிகளையும் தோல்விகளையும் மதிப்பிடுவதற்கும் துல்லியமான வரைபடம் -- சிறிய புவியியல் பிரிவில் இருந்து தரவை சேகரித்தல் -- மற்றும் சிறந்த தரவுகளை சேகரிப்பது முக்கியம் என்று ஹார்வர்ட் ஆராய்ச்சியாளர்கள் தெரிவித்தனர். இவை கிராம சுகாதார சுகாதாரம் மற்றும் ஊட்டச்சத்து குழுக்கள் மற்றும் கிராம பஞ்சாயத்துகள் குழந்தைகளின் வளர்ச்சி மற்றும் ஆரோக்கியத்திற்கு பொறுப்புக் கூற உதவும்.

மாநில அளவிலான சராசரிகளானது, மாவட்ட அளவிலான ஏற்றத்தாழ்வுகளை மறைக்கின்றன என்று, யுனிசெப்பின் ஆராய்ச்சியாளர்கள், தி எகனாமிக் அண்ட் பொலிடிகல் வீக்லி இதழில், மார்ச் 2017 இல் குறிப்பிட்டனர். மாதேபுரா மற்றும் ஷியோஹர் மாவட்டங்களில், 3% பெண்கள் மட்டுமே இரும்பு மற்றும் ஃபோலிக் அமில மாத்திரைகளை எடுத்துக் கொண்டதை, பீகாரில் உள்ள மாவட்டங்களில் குழந்தைகளிடையே உள்ள வளர்ச்சிக்குறைபாட்டை ஆய்வு செய்த ஆராய்ச்சியாளர்கள் கண்டறிந்தனர். வைட்டமின் ஏ துணை ஊட்டம் பெறத்தகுதியுள்ள 45% குழந்தைகள் மட்டுமே அவற்றைப் பெற்றதாக, பூர்பா சம்பரன் மாவட்டம் தெரிவித்துள்ளது. பீகாரில் பாதி மாவட்டங்களில், மேம்பட்ட கழிப்பறை வசதிகள், 25% க்கும் குறைவாகவே இருந்தன. இந்த காரணிகள் அனைத்தும் குழந்தைகளை பாதிக்க துணை போகிறது. இந்த காரணிகளை மாவட்ட அளவில் பார்ப்பது சரியான நேரத்தில் உரிய தலையீடுகளுக்கு வழிவகுத்திருக்கக்கூடும் என்று அவர்கள் எழுதினர்.

இந்த வகையான தரவுகள் "ஊட்டச்சத்து-குறிப்பிட்டத்தக்க மற்றும் ஊட்டச்சத்து-உணர்திறன் திட்டங்களை வடிவமைத்து வலுப்படுத்த" பயன்படுத்தப்படலாம் என்று, ஆராய்ச்சியாளர்கள் வாதிட்டனர்.

பிரிக்கப்பட்ட தரவு, அல்லது பிளவுபட்ட தனிப்பட்ட தரவு, இந்தியா முழுவதும் ஓரங்கட்டப்பட்ட குழுக்களுக்கு குடிநீர் கிடைக்குமா அல்லது பட்டியலின சாதி சமூகத்தைச் சேர்ந்த பெண்கள் இரத்த சோகை உள்ளதா என்ற விவரங்களைக் காட்ட உதவும் என்று, 2020 நவம்பரில் நாங்கள் கட்டுரை வெளியிட்டோம். எஸ்சி-எஸ்டி சமூகங்களில் இருந்து அதிகமான அங்கன்வாடி தொழிலாளர்களை வேலைக்கு அமர்த்தலாமா அல்லது எஸ்சி-எஸ்டி ஆதிக்கம் செலுத்தும் பகுதிகளில் அங்கன்வாடிக்களின் எண்ணிக்கையை அதிகரிக்க வேண்டுமா என்பதை, கள அளவில் தேவையான மாற்றங்களை புரிந்து கொள்ள, இந்த தகவல் உதவும்.

இந்தியா பெரும்பாலும் எதிர்கொள்ளும் சவால், சுகாதார அமைப்பு மூலம் வழங்கப்படும் மதிய உணவு திட்டங்கள் அல்லது ஒருங்கிணைந்த குழந்தை மேம்பாட்டு சேவைகள் (ஐ.சி.டி.எஸ்) போன்ற கொள்கைக் கருவிகளை வழங்குவதாகும் என்று, சர்வதேச உணவு கொள்கை ஆராய்ச்சி நிறுவனத்தின் (IFPRI - ஐ.எஃப்.பி.ஆர்.ஐ) மூத்த ஆராய்ச்சியாளரான பூர்ணிமா மேனன், இந்தியாஸ்பெண்டிடம் தெரிவித்தார்.

களத்தில் செயல்படுத்தப்படும் இந்த திட்டங்கள் உண்மையில் பயன்பாட்டில் உள்ளனவா என்பதை, இந்த நுண்ணிய தரவு காண்பிக்கக்கூடும் என்பதால், கொள்கை சுற்றுச்சூழல் அமைப்பில் உள்ளவர்களுக்கு சிறு துரும்பு தரவுகூட உதவக்கூடும்.

"கிராமத்தில் 10 குழந்தைகள் இருந்து, அவர்களில் ஐந்து பேர் வளர்ச்சி குன்றியிருந்தால், அவர்கள் ஏன் வளர்ச்சி குறைபாடுக்கு ஆளானார்கள், அவர்கள் என்ன செய்கிறார்கள் என்பது அவர்களைச் சென்றடைகிறதா இல்லையா என்பதை இது நமக்கு தெரிவிக்கவில்லை, அவர்களில் எத்தனை பேர் அரசு சேவைகளில் இருந்து வெளியேறிவிட்டார்கள் என்று நமக்கு தெரியவில்லை. ஏனென்றால் அவை கிராம பஞ்சாயத்திலோ அல்லது தொகுதி மட்டத்திலோ அல்லது ஐசிடிஎஸ் மட்டத்திலோ உண்மையில் மாற்றக்கூடியவை" என்று மேனன் விளக்கினார்.

அங்கன்வாடி தொழிலாளர்கள் மிகச்சிறந்த தரவுகளை சேகரிக்கும் அதே வேளையில், அவர்கள் பொதுவாக உயர் மட்ட அளவிலான தரவைப் பார்த்து, அவற்றின் அடிப்படையில் கீழ்மட்டங்களில் செயல்படுத்தப்படும் திட்டங்களை கண்காணிக்கிறார்கள். இதன் பொருள் "முடிவெடுப்பதற்கு ஒப்பீட்டளவில் குறைவான தரவு உள்ளது", என்று கொள்கை ஆராய்ச்சி மையத்தை (சிபிஆர்) சேர்ந்தவரும், அதன் அக்கவுண்ட் இனிஷியேடிவ் (AI) இயக்குநருமான அவனி கபூர் கூறினார்.

அடிமட்ட தொழிலாளர்களுக்கும் தரவை மீண்டும் எடுத்துச் செல்லுங்கள்

திரிசூரைச் சேர்ந்த அங்கன்வாடி தொழிலாளி சோபா, எடை குறைந்த குழந்தைகளை எப்படிக் கண்டுபிடிப்பது என்று தெரியும் - அவர்கள் களைத்துப்போய் சாப்பிடுவதில்லை என்று கூறினார். பிரச்சினையை எவ்வாறு கையாள்வது என்பதும் அவருக்கு தெரிந்திருக்கிறது. ஆறு மாதங்கள் முதல் மூன்று வயது வரை குழந்தைகள் என்றால், அவர்களுக்கு சோயா, கோதுமை மற்றும் சர்க்கரை கலந்த அம்ருதம் நியூட்ரிமிக்ஸ் பவுடர் வழங்கப்படுகிறது. எட்டு மாதங்களுக்கும் மேலான குழந்தைகளுக்கு காய்கறிகளுடன் ஒரு நாளைக்கு ஒரு முறை சாதம் வழங்கப்படுகிறது. தொற்றுநோயால் அமலாகியுள்ள ஊரடங்கின் போது வீடு தேடி உணவுப் பொருட்களை வழங்குவதற்கு பொறுப்பான முன்வரிசைப் பணியாளர்களில் சோபாவும் ஒருவர். "நாங்கள் வீடுகளுக்கு அரிசி மற்றும் காய்கறிகளை வழங்குகிறோம், கர்ப்பிணி மற்றும் பாலூட்டும் தாய்மார்களுக்கு கோதுமை, பருப்பு மற்றும் எண்ணெய் அனுப்புகிறோம்," என்று அவர் கூறினார்.

இந்த சேவைகளின் விவரங்களை - பதிவேடுகளிலும், தொலைபேசியிலும் - சோபா தனது வேலை உள்ளடக்கிய குழந்தைகளின் உயரம், எடை மற்றும் ஆதார் விவரங்களுடன் குறிப்பிடுகிறார். "நாங்கள் இந்த விவரங்களை மேற்பார்வையாளருக்கு அனுப்புகிறோம், பின்னர் சிடிபிஓ [குழந்தைகள் மேம்பாட்டு திட்ட அலுவலர்] மற்றும் அங்கிருந்து தரவு ஐசிடிஎஸ்-க்கு அனுப்பப்படுகிறது," என்று அவர் விளக்குகிறார்.

ஐ.சி.டி.எஸ் மாவட்ட கையேட்டின் படி, மாவட்டங்களிலிருந்து சேகரிக்கப்பட்ட தரவு வெவ்வேறு கல்வி நிறுவனங்களால் கண்காணிக்கப்பட்டு பகுப்பாய்வு செய்யப்படுகிறது. இந்த பகுப்பாய்வு செய்யப்பட்ட தகவல்கள் பின்னர் பெண்கள் மற்றும் குழந்தைகள் மேம்பாட்டு அமைச்சகத்தின் கண்காணிப்பு மற்றும் மதிப்பீட்டு பிரிவுக்கு சமர்ப்பிக்கப்படுகின்றன.

ஆனால் உயர் மட்டங்களில் இருந்து பகுப்பாய்வு செய்யப்பட்ட இந்த தகவல்கள், சோபா போன்ற அங்கன்வாடி தொழிலாளர்களிடம் திரும்பத் தரப்பட வேண்டும் என்று நிபுணர்கள் தெரிவித்தனர். "கள அளவில் ஏராளமான தகவல்கள் சேகரிக்கப்படுகின்றன, ஆனால் அது மேல்நோக்கி ஒன்றிணைக்கப்படுவதால், அது மேலும் மேலும் திரட்டப்படுகிறது. எனவே நீங்கள் சில சிறப்பியல்புகளை இழக்கிறீர்கள், அதையெல்லாம் ஒரு இடத்தில் சேமிக்கவில்லை" என்று அக்கவுண்டபிள் இனிஷியேடிவ் சேர்ந்த கபூர் கூறினார்.

தரவு எவ்வாறு ஒருங்கிணைக்கப்படுகிறது? உதாரணமாக, குழந்தைகளின் எடை மற்றும் உயரம் தொடர்பான தகவல்கள் அங்கன்வாடி அளவில் சேகரிக்கப்படுகின்றன. அவை டிஜிட்டல் மயமாக்கப்படவில்லை, பெரும்பாலும் அவை பதிவேட்டில் குறிப்பிடப்பட்டுள்ளன. உயர் மட்டங்களில், தரவு டிஜிட்டல் மயமாக்கப்படுகிறது, அதாவது, மாவட்ட அளவில். இது நிகழும்போது, ​​அங்கன்வாடிகளிடம் இருந்து தரவு கோரப்படுகிறது மற்றும் குழந்தைகளின் எண்ணிக்கையை கணக்கிட தொகுக்கப்படுகிறது, ஆனால் அவர்களின் தனிப்பட்ட விவரங்கள் அல்ல.

திட்டத் தரவைப் பயன்படுத்துவதில் பரந்த கவனம் செலுத்த வேண்டியதன் அவசியத்தையும், மேனன் சுட்டிக்காட்டினார். "நான், வளர்ச்சி குறைபாடுள்ள குழந்தையைப் பார்த்துக் கொண்டிருந்தால், 'அந்தக் குழந்தை ஏன் குன்றியது' என்பதில் இருந்து நான் திரும்பிச் செல்ல வேண்டும். ஏனென்றால் அது ஒரு இளம் பருவ தாய்க்கு பிறந்தது. ஆனால் அந்த வீட்டில் ஏன் இளம் பருவ கர்ப்பம் இருந்தது? அம்மா ஏன் பள்ளிக்கு செல்ல முடியவில்லை? ஓ, குடும்பம் மிகவும் மோசமாக இருந்தது, மதிய உணவு பள்ளியில் வேலை செய்யவில்லை அல்லது பள்ளி மிகவும் தொலைவில் உள்ளது. கையில் இருக்கும் பிரச்சினைக்கான சரியான நடவடிக்கைக்கு எங்களை இட்டுச் செல்ல உங்களுக்கு எல்லா விஷயங்களிலும் தரவு தேவை, "என்று அவர் விளக்கினார்.

முன்புள்ள வழி

• முன்களப் பணியாளர்களுக்கு, கண்காணிப்பு நோக்கங்களுக்காக சேகரிக்கப்பட்ட மற்றும் பகுப்பாய்வு செய்யப்பட்ட தரவை கிடைக்கச் செய்யுங்கள், இதனால் அவர்கள் ஊட்டச்சத்து குறித்த இலக்கு முடிவுகளை எடுக்க முடியும். ஏனெனில் மையப்படுத்தப்பட்ட கொள்கைகள், நுண்ணிய மற்றும் உள்ளூர் பிரச்சினைகளை கவனிக்க முனைகின்றன: அவனி கபூர், அக்கவுண்டபிளிட்டி இனிஷியேடிவ் (AI).

• இரண்டு அண்டை கிராமங்கள் ஏன் ஊட்டச்சத்துக் குறைபாட்டின் வெவ்வேறு விகிதங்களை காட்டுகின்றன என்பதைக் கண்டறிந்து, தீர்வுகளைச் செய்வதற்கு வருமான வேறுபாடுகள் அல்லது நீர் ஆதாரங்களில் உள்ள வேறுபாடுகள் போன்ற கிராமம் சார்ந்த குறிப்பிட்ட பிரச்சினைகள் பற்றிய புரிதலை இணைத்துக்கொள்ளுங்கள். "கண்டறியப்பட்டதும், கொள்கைகள் அல்லது தலையீடு தீர்மானிக்கப்படலாம். உதாரணமாக, இது சமூகப் பிரச்சினைகள் என்றால், விழிப்புணர்வு உருவாக்குதல் முக்கியமாக இருக்கும் ": கபூர், அக்கவுண்டபிளிட்டி இனிஷியேடிவ்.

• நுண்ணிய சிக்கல்களில் செயல்படுவதற்கு ஆஷா தொழிலாளர்கள் பங்கேற்பு கற்றல் மற்றும் செயல்பாட்டினை உறுதி செய்ய வேண்டும். இது சமூக ஈடுபாட்டிற்கும் வழிவகுக்கிறது: பூர்ணிமா மேனன், ஐ.எஃப்.பி.ஆர்.ஐ. (IFPRI).

• கடந்த 2021 ஆம் ஆண்டில் பெண்கள் மற்றும் குழந்தைகள் மேம்பாட்டு அமைச்சகத்தால் உருவாக்கப்பட்ட போஷான் டிராக்கர் போன்ற தொழில்நுட்பத்தால் இயக்கப்பட்ட கருவிகளைப் பயன்படுத்துங்கள், பாலூட்டும் தாய்மார்கள், கர்ப்பிணிப் பெண்கள் மற்றும் 0-6 வயதுக்கு இடைப்பட்ட குழந்தைகளுக்கு சேவை வழங்கலைக் கண்காணிக்கவும் மேம்படுத்தவும் - கிராம அளவிலான தரவைக் கண்காணிக்கவும், கள நடவடிக்கை எடுக்க வேண்டும்: மேனன், ஐ.எஃப்.பி.ஆர்.ஐ.