‘ஊரடங்கிற்கு பிந்தைய சூழலில் விளிம்புநிலை சாதியினர் வேலை இழப்புகளை அதிகம் சந்தித்தனர்’

பெங்களூரு: கோவிட்-19 பரவுவலை கட்டுப்படுத்த நாடு தழுவிய ஊரடங்கு அமலுக்கு வந்ததும், சுமார் 10-12 கோடி இந்தியர்கள் வேலை இழந்ததாக இந்தியாஸ்பெண்ட் 2020 ஏப்ரல் மாத கட்டுரை தெரிவித்துள்ளது. ஆனால் உயர் சாதியினரை விட பின்தங்கிய சாதிக்குழுக்களையே ஊரடங்கு மிகப்பெரிய அளவில் பாதித்துள்ளது என்பது, கோவிட் தொற்று சமூக வேறுபாடுகளின் "சமநிலையா" என்பதை விசாரிக்கும் ஒரு புதிய ஆய்வறிக்கையில் தெரிய வந்துள்ளது. "ஊரடங்கு அமலுக்கு வந்த முதலாவது மாதத்தில் அனைத்து சாதிக் குழுக்களும் வேலை இழந்தாலும், மிகவும் பின்தங்கிய சாதியினரின் வேலை இழப்புகள், மூன்று காரணிகளால் அதிகம்" என்று, அது குறிப்பிட்டது.

"முன்பே இருக்கும் தவறுகள், சாதி அடையாள அடிப்படையில் கட்டமைப்பு ஏற்றத்தாழ்வுகள், ஊரடங்கிற்கு பிந்தைய வேலை இழப்புகளில் உடனடியாக தம்மை மீண்டும் வெளிப்படுத்துகின்றன," என்று, அசோகா பல்கலைக்கழகத்தின் பொருளாதாரப் பேராசிரியரும், ஆய்வறிக்கையின் இணை ஆசிரியருமான அஸ்வினி தேஷ்பாண்டே, இந்தியாஸ்பெண்டிற்கு அளித்த பேட்டியில் கூறினார். மார்ச் 2020 ஆம் ஆண்டு ஆய்வறிக்கையில், தேஷ்பாண்டே மற்றும் இணை ஆசிரியர் ராஜேஷ் ராம்சந்திரன் ஆகியோர் சமூக ரீதியாக பின்தங்கிய குழுக்களைச் சேர்ந்த குழந்தைகளுக்கு வளர்ச்சி குறைபாடு ஏற்பட வாய்ப்புள்ளது என்பதை சுட்டிக்காட்டினர். இந்தியாவில் உயர் சாதி குழந்தைகள் இடையே வளர்ச்சிக்குறைபாடு நிகழ்வு, குறைந்த நடுத்தர வருமானம் கொண்ட நாடுகளின் தேசிய சராசரிக்கு ஒத்ததாகும், அதே நேரம் பட்டியலின சாதியினர் (எஸ்சி), பட்டியலின பழங்குடியினர் (எஸ்.டி) மற்றும் இதர பிற பிற்படுத்தப்பட்டோர் (ஓபிசி) குழந்தைகளுக்கு இடையே வளர்ச்சி குறைபாடு 10 ஆகும் 15 சதவீத புள்ளிகள் அதிகம்.

ஊரடங்கு காரணமாக ஏற்பட்ட பொருளாதார துயரத்தின் போது, "ஆபத்தான தினக்கூலி பெறுவோர் மற்றும் சாதாரண வேலைகளில் உள்ளவர்கள் மோசமான வறுமையில் சிக்கி மிகவும் பாதிக்கப்படுகின்றனர்" என்று அவர் கூறினார்.

கடந்த 2019 ஆம் ஆண்டில் மத்திய அரசால் அறிமுகப்படுத்தப்பட்ட பொருளாதார ரீதியாக பலவீனமான பிரிவுகளுக்கான (EWS - ஈ.டபிள்யூ.எஸ்) சேவை “ஈடுசெய்யும் பாகுபாட்டின் கொள்கையாக இடஒதுக்கீட்டின் பங்கில் இருந்து ஒரு பெரிய விலகலைக் குறிக்கிறது” என்று கூறிய தேஷ்பாண்டே, "ஒவ்வொரு சமூக மற்றும் பொருளாதார பிரச்சினைகளுக்கும் பதில் இல்லை" என்று மேலும் தெரிவித்தார்.

அசோகா பல்கலைக்கழகத்தின் பொருளாதார தரவு மற்றும் பகுப்பாய்வு மையத்தின் நிறுவன இயக்குநராக தேஷ்பாண்டே உள்ளார். அவர் Grammar of Caste: Economic Discrimination in Contemporary India மற்றும் Affirmative Action in India, Oxford India Short Introductions Series (2013)ஆகியவற்றின் ஆசிரியர். 2007 ஆம் ஆண்டில், 45 வயதிற்குட்பட்ட இந்திய பொருளாதார வல்லுநர்களுக்கான வி.கே.ஆர்.வி.ராவ் விருதை வென்றவர்.

இந்த நேர்காணலில், பாதிக்கப்படக்கூடிய சாதிக்குழுக்களுக்கு கோவிட்19 இன் தாக்கம், இடஒதுக்கீடு மற்றும் சாதிப்பிரச்சினை, மற்றும் பொருளாதார அடிப்படையில் உயர் சாதியினருக்கான மத்திய அரசின் இட ஒதுக்கீடு ஒதுக்கீடு பற்றி அவர் பேசுகிறார்.

திருத்தப்பட்ட பகுதிகள்:

கடந்த ஜூலை 2020 ஆய்வறிக்கையில் நீங்களும் ராமச்சந்திரனும் (ஊரடங்கால் ஏற்பட்ட வேலை இழப்புகளில் சமூக அடையாளத்தின் முக்கிய பங்கைப் புரிந்து கொள்ள) கோவிட்19 தொற்றானது மொத்த சாதிக் குழுக்களிலும் வேலை இழப்புக்கு வழிவகுத்திருந்தாலும், எஸ்சி/ எஸ்டி மற்றும் ஓபிசி ஆகியவற்றைத்தான் மிகவும் பாதித்துள்ளது. நமது பொருளாதாரம் மற்றும் சமூக வரிசைமுறையில் உள்ள கட்டமைப்பு சிக்கல்களை, தொற்றுநோய் எவ்வாறு வெளிப்படுத்தியுள்ளது?

எங்கள் முந்தைய ஆராய்ச்சியில், பல்வேறு விளைவுகளில் குறிப்பிடத்தக்க சாதி இடைவெளிகளைக் கண்டறிந்தோம்: அதாவது கல்வி, தொழில், குழந்தை பருவ சுகாதார குறிகாட்டிகள். வேலைவாய்ப்பில் கோவிட்-19 இன் தாக்கம் குறித்த எங்கள் ஜூலை 2020 தாளில், 12ம் வகுப்புக்கு மேல் படித்த தனிநபர்களின் பங்கு உயர் சாதியினருக்கு 37% மற்றும் எஸ்சி- க்களுக்கு 17% என்று நாங்கள் தெரிவித்து இருந்தோம், மேலும் உயர் சாதியினரில் 3% பேரே தினக்கூலி வேலைகளை கொண்டிருந்தனர் என்பதை நினைவில் கொள்ள வேண்டும், அவை எந்தவித பாதுகாப்பும் இல்லாமல் ஆபத்தானவை, [இது] எஸ்.சி.களில் 16% ஆகும். இந்த ஆய்வறிக்கையில், அனைத்து சாதிக் குழுக்களும் ஊரடங்கு தொடங்கியதும் வேலை இழப்புகளை சந்தித்தாலும், எஸ்சிக்கள் மத்தியில் வேலை இழப்பு விகிதம் உயர் சாதியினரை விட மூன்று மடங்கு அதிகமாக இருந்தது என்பதை ஆய்வு காட்டுகிறது. உயர் சாதியினருக்கு கல்விக்கு அதிக அணுகல் இருப்பதால், அதன் மூலம் பாதுகாப்பான வேலைகள் அதிகம் இருப்பதால், ஊரடங்கால் உருவான பொருளாதார அதிர்வலைகளால் அவர்கள் குறைவாகவே பாதிக்கப்படுகின்றனர். எனவே, முன்பிருந்த தவறுகள், சாதி அடையாளத்தின் அடிப்படையில் கட்டமைப்பு ஏற்றத்தாழ்வுகள், ஊரடங்கிற்கு பிந்தைய வேலை இழப்புகளில் உடனடியாக தங்களை மீண்டும் வெளிப்படுத்துகின்றன.

கட்டமைப்பு ஏற்றத்தாழ்வுகளைப் பற்றிப் பேசும்போது, கல்வி மற்றும் அரசு வேலைகளில் பொருளாதார ரீதியாக பலவீனமான பிரிவுகளுக்கான (EWS) இடஒதுக்கீடு மற்றும் உறுதிப்படுத்தும் நடவடிக்கையில் அதன் தாக்கத்தை, குறிப்பாக எஸ்சி/எஸ்டி மற்றும் ஓபிசி போன்ற ஓரங்கட்டப்பட்ட குழுக்கள் ஏற்கனவே தேசிய சராசரியை விட குறைவான வீட்டு வருமானத்தை ஈட்டும்போது, அதை நீங்கள் எவ்வாறு கருதுகிறீர்கள்? உச்சநீதிமன்றம், ஆகஸ்ட் 2020 இல், ஈ.டபிள்யூ.எஸ் ஒதுக்கீட்டை எதிர்க்கும் மனுக்களை விசாரிக்க ஐந்து நீதிபதிகள் கொண்ட அரசியலமைப்பு அமர்வை அமைக்க முடிவு செய்தது.

பொருளாதார ரீதியாக பலவீனமான பிரிவினருக்கான ஒதுக்கீட்டை அரசு மேற்கொள்கிறது, ஆனால் இதை 10% ஒதுக்கீடு என்று அழைக்க விரும்புகிறேன், அது என்ன என்பதற்கான துல்லியமான விளக்கமாகும். ஈ.டபிள்யு.எஸ் வரையறுக்கப்பட்டுள்ள வருமான உச்சவரம்பு [ஆண்டுக்கு ரூ.8 லட்சம்] மிக அதிகமாக உள்ளது, இதனால் 98% இந்தியர்கள் அதன் கீழ் வருகிறார்கள். எனவே, இதை ஈ.டபிள்யூ.எஸ் ஒதுக்கீடு என்று அழைப்பது முற்றிலும் தவறானது.

இந்த ஒதுக்கீடு இந்தியாவின் இடஒதுக்கீட்டுக் கொள்கையின் தோற்ற மூலகார அடிப்படையில் மாற்றுகிறது, இது ஈடுசெய்யும் பாகுபாட்டின் கொள்கையாக வடிவமைக்கப்பட்டுள்ளது. இடஒதுக்கீடு என்பது பாகுபாடு மற்றும் பழிச்சொல்லை எதிர்கொள்ளும் குழுக்களுக்கு, ஒரு வரையறுக்கப்பட்ட மருந்தை வழங்குவதாகும், எனவே முக்கியமான முடிவெடுக்கும் நிலைகளில் அவை குறிப்பிடப்படவில்லை. அதனால்தான் தலித்துகள் மற்றும் ஆதிவாசிகள் இடஒதுக்கீடு கொள்கையின் பயனாளிகளாக அடையாளம் காணப்பட்டனர். பொருளாதார அடிப்படையில் இடஒதுக்கீட்டை அனுமதிப்பதன் மூலம், இந்த புதிய ஒதுக்கீடு ஈடுசெய்யும் பாகுபாட்டின் கொள்கையாக இட ஒதுக்கீட்டின் பங்கில் இருந்து ஒரு பெரிய விலகலைக் குறிக்கிறது.

எஸ்சி அந்தஸ்தை தலித் கிறிஸ்தவர்கள் அல்லது பட்டியலின் சாதியைச் சேர்ந்த கிறிஸ்தவர்களுக்கு விரிவுபடுத்துவதற்கான மனுவை விசாரிக்க உச்ச நீதிமன்றம் ஒப்புக் கொண்டுள்ளது. எஸ்சி வகை மதத்தை நடுநிலைப்படுத்த வேண்டும் என்று மனுவில் கோரப்பட்டுள்ளது. சிறுபான்மை மதங்களில் தலித்துகளின் நிலை குறித்து உங்கள் பார்வை என்ன?

எஸ்சி, ஓபிசி, எஸ்டி ஆகியன உறுதியான நடவடிக்கைகளின் நோக்கத்திற்காக உருவாக்கப்பட்ட சட்டபூர்வ வகைகளாகும். பட்டியல் (Scheduled - பட்டியலின சாதியினரை சொல்வது) என்பது குறிப்பிட்ட சாதி பெயர்களின் பட்டியலாகும். எனவே, பிரிவில் சேர்க்கப்படாத குழுக்கள் பின்னர் “பிற” குழுக்களின் (பொது வகை) கீழ் வகைப்படுத்தப்படுகின்றன.

எந்தவொரு சட்ட வகைகளிலும் ஒரு குழு பட்டியலிடப்படவில்லை எனில், அவர்களை ஒரு பிரிவாக கருதி தனித்தனியாக தரவு வழங்கப்படுவதில்லை; ஏனெனில் அவை தனி சட்ட வகையைச் சேர்ந்தவை அல்ல. தலித் என்பது எஸ்சி சமூகத்தைச் சேர்ந்தவர்களை சிறப்பிக்கும் வார்த்தையாகப் பயன்படுத்தப்படுகிறது. இது ஒரு அரசியல் வகை, சட்ட வகையல்ல. கிறிஸ்தவ அல்லது இஸ்லாம் மீது நம்பிக்கை கொண்ட சில உறுப்பினர்கள் தமது மதத்திற்குள் தலித் அந்தஸ்து அல்லது தாழ்த்தப்பட்டவர்கள் என்றும் அவர்கள் எஸ்சி அந்தஸ்துக்கு தகுதியுடையவர்கள் என்றும் வாதிட்டு வருகின்றனர். ஆனால் அவர்களுக்கு [சட்டபூர்வமாக] எஸ்சி அந்தஸ்து வழங்கப்படவில்லை என்பதைக் கருத்தில் கொண்டு, [தலித்துகள்] பற்றிய தரவுகளில் இருந்து, எஸ்சி அவர்கள் அந்தஸ்தைப் பெற்றிருந்தால் யார் என்பதை நீங்கள் அடையாளம் காண முடியாது. [கட்டுரை ஆசிரியரின் குறிப்பு: 1950 ஆம் ஆண்டின் குடியரசுத்தலைவரின் உத்தரவின் 3வது பத்தியில், பட்டியல் சாதியினரின் வகைப்பாடு ஆரம்பத்தில் இந்துக்களுக்கு மட்டுமே என்றிருந்தது. 1956 இல் சீக்கியர்களையும் 1990 ல் பவுத்தர்களையும் சேர்க்கும் வகையில் உத்தரவு திருத்தப்பட்டது, ஆனால் இஸ்லாமியம் அல்லது கிறிஸ்தவத்திற்கு மாறிய தலித்துகள் அதன் எல்லைக்கு வெளியே இருக்கிறார்கள்].

இது, சாதி குறித்த இந்தியாவின் தரவுகள் பற்றிய ஒரு முக்கியமான அம்சத்தை முன்னிலைக்கு கொண்டு வருகிறது. கடைசியாக சாதி அடிப்படையிலான மக்கள் தொகை கணக்கெடுப்பு, 1931 ஆம் ஆண்டில் நடந்தது. அப்போது, ஒவ்வொரு ஜாதியிலும் தனித்தனியாக தரவு இருந்தது. சமூக-பொருளாதார சாதி கணக்கெடுப்பு-2011 அத்தகைய தரவை வழங்குவதாக கருதப்பட்டது, ஆனால் அது இன்னும் வெளியிடப்படவில்லை.

சாதி, மதம், இனம், முதலியவற்றைப் பொருட்படுத்தாமல் அனைத்து குடிமக்களும் சமம் என்று அரசியலமைப்பு கூறுகிறது. இது சமமாக கருதுவதற்கு உத்தரவாதம் அளிக்கிறது. எனவே, கொள்கையளவில் சாதி அடிப்படையிலான இடஒதுக்கீடு இருக்கக்கூடாது. ஆனால் பி.ஆர் அம்பேத்கர் கணிசமான சமத்துவத்திற்கும், முறையான சமத்துவத்திற்கும் வித்தியாசம் இருப்பதாக வாதிட்டார். அரசியலமைப்பு முறையான சமத்துவத்திற்கு உத்தரவாதம் அளிக்கிறது. ஒருவர் முறையானதில் இருந்து கணிசமான சமத்துவத்தை எவ்வாறு பெறுவார்? ஆடுகளத்தை சமன் செய்ய நிலைமைகளை உருவாக்குவதன் மூலம்; சமத்துவமின்மை (பொருளாதார சமத்துவமின்மை அல்ல) காரணமாக பாதிக்கப்பட்ட குழுக்களின் நபர்கள் உறுதிப்படுத்தும் நடவடிக்கைக்கான அட்டவணையில் அடையாளம் காணப்பட வேண்டும்.

சாதியற்ற சமுதாயத்தை கட்டியெழுப்புவதற்கான ஒரு இலட்சியத்துடன் சாதி அடிப்படையிலான உறுதியான நடவடிக்கை நம்மிடம் உள்ளது. எனவே அரசின் கட்டாய பட்டியல்களில் (schedules) சேர்க்கப்பட்டுள்ள குழுக்களுக்கான தரவு நம்மிடம் உள்ளது, ஆனால் உறுதிப்படுத்தும் நடவடிக்கைக்கு தகுதியற்ற மற்றவர்கள், மீதமுள்ள “இதர” வகைப்பாட்டில் உள்ளனர்.

கடந்த சில ஆண்டுகளில் ஜாட் மற்றும் மராட்டியர்கள் போன்ற மேலாதிக்க சாதியினரால் கூட இடஒதுக்கீடு கோரி போராட்டங்கள் நடந்துள்ளன. தரவு மூலம் இடஒதுக்கீடு மற்றும் சாதி அடையாளங்களை மறுவடிவமைக்க வேண்டிய அவசியம் உள்ளதா? அப்படியானால், அதை எவ்வாறு செய்ய வேண்டும்?

இந்த பிரச்சினை வறுமை மற்றும் பொருளாதார பற்றாக்குறை என்றால், உயர் சாதிகள் உட்பட சாதி அலை முழுவதும் பல மில்லியன் கணக்கான இந்தியர்களை வகைப்படுத்துகிறது என்றால், அரசு வறுமை எதிர்ப்பு மற்றும் வேலைவாய்ப்பு - தலைமுறை கொள்கைகளை ஒரு முழுமையான மற்றும் அவசரமாக செயல்படுத்தி முறையாக செயல்படுத்த வேண்டும். அனைத்து இந்தியர்களும், குறிப்பாக ஏழைகள் பசி, உடல்நலக்குறைவு மற்றும் தங்குமிட வசதி இல்லாமை ஆகியவற்றில் இருந்து பாதுகாக்கப்பட வேண்டும் என்பதில் சந்தேகமில்லை. அவர்களுக்கு கல்வியும் ஆரோக்கியத்திற்கான அணுகலும் தேவை.

ஆனால் பொதுத்துறை வேலைகள் மற்றும் கல்லூரிகளில் இட ஒதுக்கீடு இதை உறுதிப்படுத்தப் போவதில்லை. ஒவ்வொரு சமூக மற்றும் பொருளாதார பிரச்சினைகளுக்கும் இடஒதுக்கீடு பதிலாக இல்லை. கோவிட்19 ஊரடங்கிற்கு பின் பொருளாதாரத் துயரத்தின் போது நாம் கண்டது போல, ஆபத்தான தினக்கூலி மற்றும் சாதாரண வேலையில் உள்ளவர்கள் மோசமான வறுமையில் சிக்கி, மிகவும் பாதிக்கப்படுகின்றனர். அடிப்படை தேவைகள் பூர்த்தி செய்யப்படுவதை உறுதி செய்வதற்காக, சமூக மற்றும் பொருளாதார பாதுகாப்பு வலைகள், நிலையான வேலைவாய்ப்பு, ரொக்கம் மற்றும் வகையான பரிமாற்றங்கள் ஆகியவற்றின் கலவையை, இந்த தொற்று நோய்க்காலம் மிக அவசர தேவையாக வலியுறுத்தியுள்ளது. நல்ல அல்லது அடிப்படை சுகாதாரத்துக்கான அணுகல் இல்லாதது எவ்வாறு பேரிடர் விளைவுகளை ஏற்படுத்தும் என்பதையும் நாங்கள் கண்டோம். இந்த பிரச்சினைகள் அனைத்தும் ஒவ்வொரு அரசின் கொள்கை திட்டத்தில் முன்னுரிமை பெற்றிருக்க இருக்க வேண்டும்.

சாதி ஒரு முக்கியமான தேர்தல் காரணியாகத் தொடர்ந்தாலும், இந்து தேசியவாத அரசியல், இந்தியாவில் மத்திய நிலைக்கு வந்துள்ளது. சாதி மற்றும் இடஒதுக்கீட்டின் நோக்கத்தை விரிவாக்குவதற்கான முக்கியத்துவம் தேர்தல் அரசியலில் எவ்வளவு தாக்கத்தை ஏற்படுத்தும்?

சாதி என்பது சமூக-பொருளாதார நிலை மற்றும் சமத்துவமின்மையின் முக்கிய அடையாளமாகும். இடஒதுக்கீடு என்பது பாகுபாடுகளுக்கு எதிராக அரசு பயன்படுத்தக்கூடிய கொள்கைகளில் ஒன்றாகும். இட ஒதுக்கீடு உயரடுக்கு பதவிகளின் கலவை அடிப்படையில் சமூக அமைப்பின் அதிக பிரதிநிதியாக ஆக்குகிறது. [உதாரணத்திற்கு, மத்திய அரசு வேலைகள் மற்றும் பொது பல்கலைக்கழகங்களில் எஸ்சி (15%), எஸ்.டி (7.5%) மற்றும் ஓபிசி (27%) பிரதிநிதித்துவம் உள்ளது; இது பொதுவாக உயர் சாதியினரால் அதிகமாக குறிப்பிடப்படும் அத்தகைய களங்களில் ஓரங்கட்டப்பட்ட குழுக்களின் பிரதிநிதித்துவத்தை அதிகரிக்கிறது.] ஆனால் சாதி சமத்துவமின்மையின் நெரிசலைத் தளர்த்த, இன்னும் பலவற்றைச் செய்ய வேண்டும்.

அனைத்து சாதிகளும் சமம் என்று இந்து தேசியவாத கட்சிகள் நம்பினால், அவர்களின் கொள்கைகள் அந்த நம்பிக்கையை பிரதிபலிக்க வேண்டும். சாதிக் குழுக்களுக்கு இடையிலான சமூக மற்றும் பொருளாதார ஏற்றத்தாழ்வுகளை அகற்றுவதற்காக உண்மையாக செயல்படும் கொள்கைகளை, அவை முன்வைக்க வேண்டும். தீண்டாமையின் எந்தவொரு வெளிப்பாட்டிற்கும் எதிரான மிகக் கடுமையான நடவடிக்கை, கையால் கழிவு அள்ளும் இழிவான மற்றும் அவமானகரமான முறையை முற்றிலுமாக நீக்குதல், கொடுமைகளுக்கு எதிரான சகிப்புத்தன்மை மற்றும் தலித்துகளுக்கு எதிரான வன்முறை, ஒரு வலுவான பாகுபாடுகளுக்கு எதிரான கட்டமைப்பு, வெறுப்பு உண்டாக்கும் குற்றங்களுக்கு எதிராக கடும் நடவடிக்கை, பசு தொடர்புடைய தோல், இறைச்சி தொடர்பான பாரம்பரிய தொழில் புரியும் தலித்துகள் மீதான தாக்குதல், சமூக துன்புறுத்தல் இல்லாத சூழல் உருவாக்க வேண்டும். இவை அடிப்படை சுகாதாரம், கல்வி, உணவு மற்றும் தங்குமிடம் ஆகியவற்றை வழங்குவதன் மூலம் வறுமை எதிர்ப்பு மற்றும் வேலைவாய்ப்பு உருவாக்கும் பொருளாதார நடவடிக்கைகளுக்கு மேல் இருக்கும்.

இந்தியாவில் தற்போதுள்ள பாலின ஏற்றத்தாழ்வுகள் பெண்களை எவ்வாறு பாதித்துள்ளன? ஊரடங்குக்கு முந்தைய கட்டத்தில் பணிபுரிந்த பெண்களின் எண்ணிக்கையில், தோராயமாக 20% புள்ளிகள் குறைவாகவே மீண்டும் வேலைக்கு செல்ல வாய்ப்புள்ளது என்பதை உங்கள் அறிக்கை கண்டறிந்து உள்ளது.

ஊரடங்கின் போது ஆண்களை விட அதிகமான பெண்கள் வேலை இழந்தனர் என்ற சர்வதேச அனுபவத்தைப் போலல்லாமல், இந்தியாவில், பெண்களுடன் ஒப்பிடும்போது ஊரடங்கின் முதல் மாதத்தில் அதிகமான ஆண்கள் வேலை இழந்தனர். உலகின் பிற இடங்களில், இது பல துறைகளில் பெண்கள் முதலில் வேலை இழப்புகளை சந்தித்த அதிக எண்ணிக்கையை பயன்படுத்துகிறது.

இந்தியாவில், ஆண் மற்றும் பெண் தொழிலாளர் பங்களிப்பு விகிதங்கள் மற்றும் வேலைவாய்ப்பு ஆகியவற்றுக்கு இடையேயான பெரிய மற்றும் தொடர்ச்சியான இடைவெளிகளால், அதன் அனுபவம் வேறுபட்டது. ஊரடங்கிற்கு முன்னர் இன்னும் பல ஆண்கள் பணிபுரிந்ததால், முழுமையான எண்ணிக்கையில், பெண்களுடன் (1.7 கோடி ) ஒப்பிடும்போது 2020 ஏப்ரல் மாதத்தில் இன்னும் பல ஆண்கள் (10.4 கோடி) வேலை இழந்தனர். எவ்வாறாயினும், ஊரடங்குக்கு முந்தைய வேலைக்கு அமர்த்துவதற்கான நிபந்தனையால், ஊரடங்கின் முதல் மாதத்தில் பெண்கள் வேலைக்குச் செல்வது குறைந்தது. இதன் பொருள் பெண்கள் அதிக அளவில் பாதிக்கப்பட்டுள்ளனர்.

பொருளாதார மற்றும் சமூக நீதியின் கண்ணோட்டத்தில் இந்தியாவிலும் அமெரிக்காவிலும் இனம் மற்றும் சாதி அடிப்படையிலான உறுதிப்படுத்தும் நடவடிக்கைக்கு இடையே என்ன ஒப்பீடுகளை நாம் வரைய முடியும்?

கொள்கைகளின் தொகுப்பை விவரிக்க உறுதிப்படுத்தும் நடவடிக்கை என்ற சொல் பயன்படுத்தப்படுகிறது (இந்தியாவில் ஒதுக்கீடுகள் மற்றும் அமெரிக்காவில் விருப்பத்தேர்வுகள்), ஆனால் அவற்றின் செயல்பாட்டில், இரு நாடுகளிலும் குறிப்பிடத்தக்க வேறுபாடுகள் உள்ளன.

உதாரணமாக, இந்தியாவில் தனியார் துறைக்கு உறுதியான நடவடிக்கை இல்லை. அமெரிக்காவில், உறுதிப்படுத்தும் நடவடிக்கையின் நோக்கம் சிறியது, ஆனால் அது எங்கிருந்தாலும் பொது மற்றும் தனியார் துறைக்கு இடையில் வேறுபடுவதில்லை. எனவே உறுதியான நடவடிக்கைகளைக் கொண்ட பல்கலைக்கழகங்கள், அது பொது அல்லது தனிப்பட்டதாக இருந்தாலும் பொருட்படுத்தாது. மேலும், அமெரிக்க உச்சநீதிமன்றம் ஒதுக்கீடுகளை வெளிப்படையாக தடைசெய்துள்ளது: நிறுவனங்கள் முன்னுரிமைகள் அல்லது பன்முகத்தன்மையை நோக்கமாகக் கொண்டிருக்கலாம், ஆனால் ஒதுக்கீட்டை நிறுவ முடியாது.

சமூக நீதியைப் பொறுத்தவரை, இரு நாடுகளுக்கும் ஒரு பெரிய பிரச்சினை உள்ளது, - அமெரிக்காவில் இனவாதம் மற்றும் இந்தியாவில் சாதிவாதம், இது உறுதியான நடவடிக்கை தீர்க்க முயற்சிக்கிறது. இரு நாடுகளிலும், உறுதியான நடவடிக்கை என்பது, பல கருவிகளில் ஒன்றாக மட்டுமே இருக்க முடியும், இதில் ஒரு பெரிய, ஒன்றோடொன்று இணைக்கப்பட்ட கொள்கைகளின் மெனுவாக இருக்க வேண்டும், ஒரு சிக்கலை ஆழ்ந்த வேரூன்றிய மற்றும் இனவெறி / சாதிவாதம் போன்ற பல பரிமாணங்களை எதிர்த்துப் போராட வேண்டும்.

(பால்லியத், இந்தியா ஸ்பெண்ட் பகுப்பாய்வாளர்).

உங்களின் கருத்துகளை வரவேற்கிறோம். கருத்துகளைrespond@indiaspend.org. என்ற முகவரிக்கு அனுப்பலாம். மொழி, இலக்கண நடை கருதி அவற்றை திருத்தும் உரிமை எங்களுக்கு உண்டு.