சீனாவின் நிகர-பூஜ்ஜிய உமிழ்வு உறுதிமொழியுடன் இந்தியா ஏன் பொருந்தாது
புதுடெல்லி: இந்தியா தனது காலநிலை கடமைகளை நிறைவேற்றுவது மட்டுமின்றி, எதிர்பார்ப்பைவிட கூடுதலாக எட்டவும் தன்னை அமைத்துக் கொண்டுள்ளதாக, 2020 நவம்பர் 22 அன்று ஜி 20 நாடுகளின் 15வது உச்சி மாநாட்டின்போது பிரதமர் நரேந்திர மோடி பேசினார்.
உலகின் இரண்டாவது பெரிய கார்பன் உமிழ்வாளரான அமெரிக்கா தனது அடுத்த அதிபராக ஜோ பிடனை தேர்ந்தெடுத்த சில நாட்களில், இந்த அறிவிப்பு வந்தது, அவர் 2050 க்குள் நிகர பூஜ்ஜிய கார்பன் உமிழ்வு உறுதி ஏற்றுள்ளார். பிடன் உடனடியாக, 2015ம் ஆண்டில் பாரிஸ் ஒப்பந்தத்தில் அமெரிக்கா சார்பில் கையெழுத்திட முன்னாள் இராஜதந்திரியான ஜான் கெர்ரியை, தனது காலநிலை பிரிவு தூதராக நியமித்தார். சில வாரங்களுக்கு முன்பு, உலகின் மிகப்பெரிய உமிழ்வாளரான சீனா, 2060ம் ஆண்டுக்குள் நிகர பூஜ்ஜிய உமிழ்வை அடைவோம் என்று அறிவித்து இருந்தது. [நிகர பூஜ்ஜிய கார்பன் உமிழ்வு என்றால் என்ன? பெட்டிச் செய்தியை காண்க].
இது - காலநிலை மாற்றத்தைத் தூண்டும் கார்பன் டை ஆக்சைடு (CO2) உமிழும் உலகின் மூன்றாவது பெரிய நாடு - இந்தியாவின் கவனத்தை ஈர்த்தது.
பிரதமர் மோடியின் பேச்சு, சில காலநிலை ஆராய்ச்சியாளர்களுக்கு மிகவும் குறைவான மதிப்பீடாகவே இருந்தது, இது உயர்ந்த இலக்கை அடைவதற்கான இந்தியாவின் தயக்கத்திற்கு மற்றொரு சான்றாக காணப்பட்டது. இந்தியாவின் உலகளாவிய காலநிலை உத்திகள் எப்போதுமே குறைவான நம்பிக்கையூட்டும் மற்றும் அதிகப்படியான விநியோகத்தைப் பற்றியது என்று எரிசக்தி, சுற்றுச்சூழல் மற்றும் நீர் (CEEW) கவுன்சில் தொடர்பான சிந்தனைக்குழுவின்வைபவ் சதுர்வேதி கூறினார். "வரும் 2030ம் ஆண்டுக்குள் இந்தியா தனது மின்சார கலவையில் 40% புதுப்பிக்கத்தக்க ஆற்றலை எட்டுவதற்கான காலநிலை உறுதிப்பாட்டை மிகுதியாகவே எட்டப் போகிறது என்பதை 2017-2018ம் ஆண்டில் நாங்கள் அறிந்தோம்," என்று அவர் கூறினார்.
மற்ற வல்லுநர்கள் சுட்டிக்காட்டுவது, பொருளாதார வளர்ச்சியைத் தக்க வைத்துக் கொள்ளவும், பல லட்சக்கணக்கான மக்களை வறுமையில் இருந்து விடுவிக்கவும், இன்னும் குறைவாகவே உள்ள லட்சக்கணக்கானவர்களுக்கு மின்சாரம் வழங்கவும் விரும்பினால், பொருளாதார அளவிலான நிகர பூஜ்ஜிய இலக்கை நிர்ணயிக்கும் நிலையில் இந்தியா இல்லை. இதில் சிறந்தது, மின்சாரம் மற்றும் போக்குவரத்து போன்ற தேர்ந்தெடுக்கப்பட்ட துறைகளில் நிகர-பூஜ்ஜிய உமிழ்வை இலக்காக அது கொள்ளலாம், இதில் பயனுள்ள தொழில்நுட்ப தீர்வுகளுக்கான அணுகல் உள்ளது.
தயாராக உள்ள துறைகளில் நிகர-பூஜ்ஜிய இலக்குகளை அறிவிப்பது உண்மையில் ஒரு நல்ல நடவடிக்கையாக இருக்கும் என்று நிபுணர்கள் நம்புகிறார்கள் - இது மாசுபாட்டிற்கு எதிராக செயல்பட வணிகங்களுக்கு வலுவான கொள்கை சமிக்ஞைகளை அனுப்பும்.
What is ‘net-zero’?
Being ‘net-zero’ or ‘climate neutral’ on GHG emissions means taking out of the atmosphere the GHGs that are put in. A country would have to reduce its emissions across sectors and remove the remaining emissions from the atmosphere through various strategies such as creating carbon-sinks (by increasing forest cover, e.g.) or using technological solutions. Some countries, however, limit this neutrality to just carbon emissions, not other harmful GHGs. The ideal scenario is ‘zero emissions’ when all GHGs have been reduced.
Look at the chart below for other climate terms:
Source: Bloomberg NEF
உலகளாவிய முயற்சிகளும் இந்தியாவும்
மொத்தத்தில் சீனா, ஜப்பான், தென் கொரியா, தென்னாப்பிரிக்கா மற்றும் கனடா உட்பட 120 க்கும் மேற்பட்ட நாடுகள், வரும் 2050ம் ஆண்டுக்குள் நிகர பூஜ்ஜிய உமிழ்வுக்கான திட்டங்களை அறிவித்துள்ளன.
அதன்படி, 1.5 ° C-2 ° C க்கு இடையில் புவி வெப்பமடைதலைக் கட்டுப்படுத்த, 200 க்கும் மேற்பட்ட நாடுகள் 2015ம் ஆண்டில் பாரிஸ் ஒப்பந்தத்தில் கையெழுத்திட்டன, அவை தானாக முன்வந்து தங்கள் கார்பன் உமிழ்வைக் குறைக்க வேண்டும். 2010ம் ஆண்டில் தொடங்கி, வரும் 2030ம் ஆண்டளவில் உலகில் மனிதர்களால் ஏற்படும் கார்பன் உமிழ்வை 45% குறைக்க வேண்டும்; மேலும் உலகளாவிய வெப்பத்தை 1.5 ° C ஆகக் குறைக்க விரும்பினால், 2050 க்குள் அதை நிகர பூஜ்ஜியம் என்று எட்ட வேண்டும், ஐக்கிய நாடுகள் சபையின் காலநிலை மாற்றம் தொடர்பான குழு (IPCC), அக்டோபர் 2018ல் காலநிலை அறிவியல் குறித்த உலகின் அதிகாரப்பூர்வ அமைப்பு அறிவித்தது.
இதன் பொருள் என்னவென்றால், அதிகரித்து வரும் உலகளாவிய வெப்பநிலையால் ஏற்கனவே ஏற்பட்டுள்ள மீளமுடியாத பாதிப்பை தடுக்க, நாடுகளுக்கு வரும் 2030 வரைஒரு தசாப்த அவகாசம் உள்ளது. ஆயினும்கூட, அதற்கு பதிலாக, குறைக்கத் தொடங்க வேண்டிய பசுமை இல்ல வாயுக்களின் (GHG) உமிழ்வு உயர்ந்துள்ளது.
சீனாவிற்கும் அமெரிக்காவிற்கும் இடையில், ஆக்ரோஷமான காலநிலை நடவடிக்கைகள், முந்தைய கணிப்பு 2.7 ° C உடன் ஒப்பிடும்போது, நூற்றாண்டின் இறுதியில் புவி வெப்பமடைதலை 2.3 -2.4 C ஆக கட்டுப்படுத்த உதவும் என்று, காலநிலை விஞ்ஞானிகள் மற்றும் நிபுணர்களின் சுயாதீன அமைப்பான க்ளைமேட் ஆக்சன் டிராக்கரின் (CAT) மதிப்பீடு தெரிவிக்கிறது. இந்தியா போன்ற பிற பெரிய கார்பன் உமிழ்வாளர்கள், நூற்றாண்டின் நடுப்பகுதியில் இத்தகைய குறைப்புகளை செய்தால், புவி வெப்பமடைதலை 1.5 °C-2.0 ° C ஆகக் கட்டுப்படுத்தும் பாரிஸ் ஒப்பந்த இலக்கு மிகவும் உண்மையானது என்று, க்ளைமேட் ஆக்சன் டிராக்கரின் பகுப்பாய்வு காட்டுகிறது.
நிகர பூஜ்ஜியத்தை அடைவது உடனடி நன்மைகளைக் கொண்டுள்ளது: காலநிலை மாற்றத்தால் ஏற்படும் பேரழிவுகளால் மிகவும் பாதிக்கக்கூடியது இந்தியா - எதிர்பாராத வெப்ப அலைகள் வட இந்தியாவை சுட்டெரித்தன, 2020 ஜனவரி மற்றும் ஜூன் மாதங்களுக்கு இடையில் தீவிர புயல், இந்தியக் கடலோரப் பகுதிகளைத் தாக்கின. அதே காலகட்டத்தில், உலகின் பிற பகுதிகளும் தொழில்துறைக்கு முந்தைய கால கட்டத்தைவிட 1°C உலகளாவிய வெப்பநிலையின் சரிவைக் கையாண்டன: சைபீரியாவில், ஜனவரி மற்றும் ஜூன் மாதங்களுக்கு இடையில் வெப்பநிலை சராசரியை விட 5 ° C அதிகம் ஆக உள்ளது; ஆஸ்திரேலியாவும் அமெரிக்காவின் கலிபோர்னியா மாநிலமும் 2020ல் பெரும் காட்டுத்தீயை எதிர்கொண்டன.
"இந்தியாவுக்கான [நிகர பூஜ்ஜிய பாதைக்கு] மாற்றீட்டை நான் காணவில்லை, இது காலநிலை மாற்றத்திலிருந்து இழக்க வேண்டியது அதிகம்" என்று, இந்தியாவின் உலக வள நிறுவனத்தில் (WRI) காலநிலை திட்டத்தின் இயக்குனர் உல்கா கெல்கர் கூறினார். லட்சிய இலக்குகள் சுய பூர்த்தி செய்யும் தீர்க்கதரிசனங்களாக மாறக்கூடும், ஏனென்றால் அவை சமுதாயத்திற்கும், பல்வேறு துறைகளுக்கும், அரசுத் துறைகளுக்கும் ஒரு சமிக்ஞையை அனுப்புகின்றன, இந்த இலக்குகளை அடைவதற்கான கொள்கைகள் மற்றும் நடவடிக்கைகளை நோக்கி அவை செயல்படுகின்றன. மாசுபடுத்தும் வணிகங்களை ஒழுங்குபடுத்துவதற்கான அரசின் நோக்கத்தையும் அவை சுட்டிக்காட்டுகின்றன, மேலும் தூய்மையான பாதைக்கான நடைமுறைகளைத் திட்டமிடுவதற்கும் செயல்படுத்துவதற்கும் அவற்றை ஊக்குவிக்கின்றன என்று அவர் கூறினார்.
நிகர பூஜ்ஜிய உமிழ்வை நோக்கி செயல்படுவதற்கு வளர்ந்த பொருளாதாரங்களை விட இந்தியா ஒரு சிறந்த நிலையில் இருப்பதாக கெல்கர் நம்புகிறார். "இதுவரை கட்டப்படாத உள்கட்டமைப்பிற்கான தூய்மையான பாதைகளைப் பற்றி நாம் பேசுகிறோம்; இதுவரை கட்டப்படாத வீடுகள் மற்றும் கட்டிடங்கள்; தொழில்துறை வளர்ச்சி இன்னும் நடைமுறைக்கு வரவில்லை; எதிர்காலத்தில் மின் உற்பத்தி இன்னும் முன்னிலையில் இருக்கும்,”என்று அவர் விளக்கினார். "உள்கட்டமைப்பு துறையில் அதிக புதைபடிவ எரிபொருள் பயன்பாட்டின் பாதையில் ஏற்கனவே பூட்டப்பட்டிருக்கும் மற்ற நாடுகளை விட இந்தியா போன்ற ஒரு நாட்டிற்கு ஒரு தூய்மையான பாதை மற்றும் ஒரு லட்சிய இலக்கு குறைவான வேதனையாக இருக்கும் என்று நான் வாதிடுவேன் ” என்றார்.
இந்தியாவின் காலநிலை நடவடிக்கைகள் உலகளாவிய காலநிலை பிரச்சாரத்திற்கு முக்கியமானவை. ஆனால் அமெரிக்கா மற்றும் சீனாவை போலல்லாமல், விரைவான பொருளாதார வளர்ச்சிக்கான இடத்தை கட்டியெழுப்ப இந்தியா இன்னும் செயல்பட்டு வருகிறது; (எடுத்துக்காட்டாக, ஒவ்வொரு குடிமகனுக்கும் 2022ம் ஆண்டுக்குள் வீடுகளை கட்டித்தர திட்டமிட்டுள்ளது, அதன் தனிநபர் மின்நுகர்வு 100% அரசு உரிமைகோரல்களை மீறி வளர கணிசமான மின்சார மயமாக்கும் இடத்தைக் கொண்டுள்ளது) அதன் மாசுபாடு மற்றும் கார்பன் உமிழும் பணிகள் முன்னால் உள்ளன. இந்திய சுற்றுச்சூழல் அமைச்சர் பிரகாஷ் ஜவடேகர், அக்டோபர் மாத நேர்காணலில், இந்தியா ஏற்கனவே செய்த செயல்களின் மூலம் அடைய வேண்டியதை விட அதிக காலநிலை இலக்குகளை உறுதியளிக்க வேண்டிய அழுத்தத்தை எதிர்க்கும் என்று கூறினார். இந்தியா அதிக உமிழ்வாளராக இருந்தாலும், அதன் தனிநபர் உமிழ்வு இன்னும் அமெரிக்காவின் பத்தில் ஒரு பங்காகும், சீனாவின் நான்கில் ஒரு பங்காவுமே உள்ளது.
பொருளாதார அளவிலான நிகர-பூஜ்ஜிய உமிழ்வு இலக்கு இந்தியாவிடம் வேலை செய்யாது என்று இந்தியாவின் மின்சாரம் மற்றும் தொழில்துறை துறைகளில் ஆற்றல் மாற்றம் குறித்த நிபுணரும், டெல்லியை சேர்ந்த தி எனர்ஜி அண்ட் ரிசோர்சஸ் இன்ஸ்டிடியூட் (TERI) சக ஊழியருமான தாமஸ் ஸ்பென்சர், நவம்பர் 18 அன்று ஒரு வெபினாரில் கூறினார்.
நிகர பூஜ்ஜிய உமிழ்வை அடைவதற்கு உறுதியளிப்பதற்கு முன்பு சீனா வலுவான வளர்ச்சிப் பாதையில் காத்திருந்தது ஆனால் வளர்ச்சியைப் பொறுத்தவரை இந்தியா சீனாவை விட 15-20 ஆண்டுகள் பின்தங்கியிருக்கிறது - இந்தியா இன்னும் அதிக அளவில் வறுமை கொண்ட ஒரு வளரும் நாடு, அதன் மொத்த உள்நாட்டு உற்பத்தி (GDP) சீனாவின் மூன்றில் ஒரு பங்கு மற்றும் அதன் உள்கட்டமைப்பு மேம்பாட்டு நிலை மிகவும் குறைவாக உள்ளது என்று, ஸ்பென்சர் சுட்டிக்காட்டினார். எடுத்துக்காட்டாக, வர்த்தகம், விமான போக்குவரத்து மற்றும் தொழில்துறை உற்பத்தி ஆகியன வளர்ச்சித் துறைகளாகும், அங்கு உமிழ்வைக் குறைக்கும் திறன் விஷயத்தில் இந்தியாவின் நிலை நிச்சயமற்றதாக இருக்கும்.
வரும் 2060ம் ஆண்டுக்குள் சீனா நிகர பூஜ்ஜியத்திற்கு செல்ல இலக்கு வைத்திருந்தால், வளர்ச்சியின் நீண்ட பயணத்தை கொண்ட இந்தியாவால், 2060 ஐ விட முந்தைய நிகர பூஜ்ஜியத்தை உறுதிப்படுத்த வாய்ப்பில்லை, இது 1.5 ° C க்கு கீழ் வெப்பமயமாதலை சந்திக்க உலகிற்கு உதவ மிகவும் தாமதமாகும் என்று, இலக்கு, காலநிலை ஆற்றல் மற்றும் சுற்றுச்சூழல் (ICEE) தொடர்பான கொள்கை ஆராய்ச்சி மையத்தின் (CPR) மூத்த ஆராய்ச்சி கூட்டாளர் பார்த் பாட்டியா கூறினார்.
எவ்வாறாயினும், நீண்டகால இலக்கில் அதிக கவனம் செலுத்தாமல் கவனமாக இருக்க வேண்டும், மேலும் தற்போது செயல்படுவதில் இருந்து நம் கண்ணை விலக்கிக் கொள்ள வேண்டும் என்று அவர் கூறினார்.
உமிழ்வு வெட்டுக்களுக்கான சிறந்த துறைகள்இந்தியா தனது முயற்சிகளில் கவனம் செலுத்த வேண்டும் என்று நிபுணர்கள் கூறும் துறைகள் இங்கே:
மின்சக்தி:
அடுத்த 15 ஆண்டுகளுக்குள் இந்தியா தனது மின்சாரத் துறை உமிழ்வை அதிகரிக்க சாத்தியமுள்ளது என்று ஸ்பென்சர் கூறினார். இது இன்னும் வலுவான தேவையை அனுபவிக்கும் துறைகளுக்கு, உமிழ்வு ஓரங்களை வைத்திருக்க இந்தியாவை அனுமதிக்கும்: தொழில், விமான போக்குவரத்து மற்றும் சரக்கு போக்குவரத்து ஆகியன.
பெரிய அளவிலான சூரிய மின்சக்தி ஆலைகளின் தலைமையில், தூய்மையான மின்சாரத்திற்கான இந்தியாவின் மாற்றம், 2015 ஆம் ஆண்டில், உலகிற்கு உறுதியளித்ததில் இருந்து, 2015ம் ஆண்டில், மின்சார உற்பத்திக்கான அதன் நிறுவப்பட்ட புதுப்பிக்கத்தக்க திறனை ஐந்து ஆண்டுகளில் 175 ஜிகாவாட் (GW) ஆக நான்கு மடங்கு உயர்த்துவதாக உறுதியளித்தது. புதுப்பிக்கத்தக்க ஆற்றல் இப்போது இந்தியாவின் மொத்த நிறுவப்பட்ட மின் உற்பத்தி திறனில் கால் பகுதியைக் கொண்டுள்ளது, இது 2014 இல் 13% ஆக இருந்ததாக, மே 5 இந்தியா ஸ்பெண்ட் கட்டுரை தெரிவித்துள்ளது.
நிலக்கரியில் இருந்து விலகிச் செல்லும் இயக்கத்தின் பெரும்பகுதி என்னவென்றால், புதுப்பிக்கத்தக்கவை விலைகள் மற்றும் நிலைத்தன்மையின் அடிப்படையில் அதிக போட்டித்தன்மையுடன் வளர்ந்தன, பெரும்பாலும் கடந்த ஐந்து ஆண்டுகளில். இந்தியாவில் தற்போதைய சூரிய மின்சக்தி கட்டணங்கள் ஒரு கிலோவாட்-மணி நேரத்திற்கு 2 ரூபாயாக (1 யூனிட் மின்சாரம்) உயர்ந்து கொண்டிருக்கிறது. இந்தியாவில் அனல் மின்சக்தி விலையை விட 20-30% வீதத்தில் சூரியமின்சக்தி கட்டணங்கள் உறுதிப்படுத்தப்பட்டுள்ளதாகவும், புதிய நிலக்கரி மின்சாரத்தின் விலையில் பாதி வரை உறுதிப்படுத்தப்பட்டதாகவும், இந்தியா ஸ்பெண்ட் கட்டுரை முன்பு தெரிவித்தது.
"சூரியமின்திட்டத்தில் மிகப்பெரிய ஆற்றல் உள்ளது, அது பயன்படுத்தப்படாதது" என்று உலக வள நிறுவனத்தின் கெல்கர் கூறினார். "இந்தியாவில், நிலம் எப்போதுமே பற்றாக்குறையாக இருக்கிறது [பெரிய அளவிலான சூரியசக்தி திட்டத்தை கட்டமைக்க தேவை] மேலும் சுற்றுச்சூழல் ரீதியாக பெரிய மற்றும் வாழ்வாதாரங்களை ஆதரிக்கிறது" என்றார்.
இந்தியாவின் காலநிலை உறுதிமொழியில் 175 ஜிகாவாட் புதுப்பிக்கத்தக்கவற்றில், 40 ஜிகாவாட் சூரியசக்தியில் இருந்து வர இருந்தது. ஆனால் சூரியசக்தித்துறையால் வேகமாக இயங்க முடியவில்லை - மானியங்கள் வழங்கப்பட்டன, பின்னர் அதிக தேவை இருந்ததால் திரும்பப் பெறப்பட்டதாக, ஆகஸ்ட் 2018 இல் இந்தியா ஸ்பெண்ட் கட்டுரை தெரிவித்துள்ளது. சூரியசக்திக்கு பெரிய உந்துதலைக் கொடுக்க, இந்தியா அதன் அணுகுமுறையில் சில மாற்றங்களைச் செய்ய வேண்டும்: முதலில், சூரியசக்திக்கான சலுகைகளை உறுதிப்படுத்த வேண்டும், இரண்டாவதாக, அதன் நிதி நன்மைகள் குறித்து பொதுமக்களிடையே விழிப்புணர்வை ஏற்படுத்த வேண்டும் என்று, கெல்கர் கூறினார்.
இந்தியாவின் ஒட்டுமொத்த புதுப்பிக்கத்தக்க எரிசக்தி மாற்றம், மற்ற நாடுகளில் இருந்து தொழில்நுட்ப இறக்குமதியைப் பொறுத்தது. எடுத்துக்காட்டாக, அதன் வருடாந்திர உள்நாட்டு சூரிய தொகுப்பு உற்பத்தித்திறன் நாட்டின் 20 ஜிகாவாட் தேவையில் 15% மட்டுமே - மீதமுள்ளவை இறக்குமதி செய்யப்படுவதாக, இந்தியா ஸ்பெண்ட் ஜூலை 29 கட்டுரை தெரிவித்தது. இந்த உள்ளீடுகளுக்கான உற்பத்தி இடத்திற்கு இந்தியாவின் தாமதமாக நுழைதல் மற்றும் விலைகளை குறைப்பதற்கான கடும் போட்டி (மற்றும் அதன் மூலம் கட்டணங்கள்) ஆகியன, உள்நாட்டு உற்பத்திக்கு இடையூறாக இருக்கின்றன என்று உலக வள நிறுவனத்தின் - இந்தியாவின் காலநிலை திட்டத்தின் தலைவர் அபுர்பா மித்ரா, இந்தியா ஸ்பெண்டிடம் தெரிவித்தார்.
இந்தியாவின் ஆத்மநிர்பர் பாரத் பிரச்சாரத்தின் ஒரு பகுதியாக, தன்னம்பிக்கையை நோக்கிய ஒரு இயக்கமாக, பேனல்கள் உள்ளிட்ட சூரியசக்தி உபகரணங்கள் இறக்குமதியை சார்ந்துள்ளதை முடிவுக்குக் கொண்டு வரும் என்று பிரதமர் நரேந்திர மோடி, ஜூலை மாதம் அறிவித்திருந்தார். இறக்குமதியைக் குறைப்பதற்கான நேரடி கொள்முதல் அல்லது வரிவிதிப்பில் இருந்து பாதுகாத்தல் சூரிய சாதனங்களை தயாரிப்பதில் இந்தியாவை தன்னம்பிக்கை நோக்கி நகர்த்தக்கூடும் என்று மித்ரா கூறினார். சூரிய தொழில்நுட்பங்களுக்கான இந்தியாவின் ஆராய்ச்சி மற்றும் மேம்பாட்டுச் செலவுகள், பல தசாப்தங்களாக தேக்கத்திற்குப் பிறகு அதிகரித்து வருகின்றன, ஆனால் நீண்ட கால சார்புகளைத் தவிர்க்க பேட்டரி தொழில்நுட்பங்கள் போன்ற பிரிவுகளில் வேகமாக செல்ல வேண்டும்.
பேட்டரி அல்லது சேமிப்பக தொழில்நுட்பங்கள் இந்தியாவின் புதுப்பிக்கத்தக்க புரட்சிக்கு முன்னேற்றமாக இருக்கக்கூடும், புதுப்பிக்கத்தக்க ஆற்றலை நிலக்கரி மீதான அதன் இறுதி இழுவைக் கடக்க அனுமதிக்கிறது: இடைவெளி, அல்லது அது உற்பத்தி செய்யும் மின்சாரத்தின் ஒழுங்கற்ற தன்மை என்பது, சூரியன் பிரகாசிக்கும்போது அல்லது அதிக காற்று வீசும்போது சார்ந்துள்ளது; எடுத்துக்காட்டாக, புதுப்பிக்கத்தக்க துறையில் முன்னேற்றங்கள் இருந்தபோதும், கோவிட் -19 தொற்றால் ஏற்பட்ட பொருளாதார வீழ்ச்சியில் இருந்து மீட்கும் நடவடிக்கையின் ஒரு பகுதியாக, இந்தியா மேலும் நிலக்கரிக்கு அழுத்தம் கொடுக்க முயற்சிக்கிறது என்று ஜூன் 5 அன்று இந்தியாஸ்பெண்ட் கட்டுரை தெரிவித்துள்ளது.
மின் துறையில் நிகர-பூஜ்ஜிய சமநிலை குறித்த இந்த கலந்துரையாடலின் மையமானது, இந்தத் துறை அதன் உமிழ்வை எப்போது உச்சப்படுத்தக்கூடும் என்பதற்கான ஒரு மதிப்பீடாகும் (அதற்கு நாடு அதன் நிலக்கரி மின் உற்பத்தி நிலையங்களுக்கு ஓய்வு தர வேண்டும்) சராசரியாக 12 வயதுடைய இளைஞர்கள் செய்யும் வழக்கமான வேலை, 40-45 ஆண்டுகளின் போது செய்ய முடியாது என்று, ஐ.சி.இ.இ.யின் பாட்டியா வாதிட்டார். மிகப்பழைய மற்றும் திறனில்லாத ஆலைகளுக்கு ஓய்வு தந்துவிட்டு, கடந்த பத்தாண்டுகளில் கட்டப்பட்ட சுமார் 100 ஜிகாவாட் ஆலைகளை விட்டுச்செல்லலாம். "எப்போது வேண்டுமானாலும் அவற்றுக்கு ஓய்வு தருவது மிகவும் சவாலாக இருக்கும்," என்று அவர் கூறினார்.
எவ்வாறாயினும், இந்தியாவின் அரசியல் பொருளாதாரம் மின் துறையை கார்பன் இல்லாமல் செய்வதற்கான மிகப்பெரிய தடையாக சி.இ.இ.டபிள்யு-வின் சதுர்வேதி குறிப்பிடுவது: குடியிருப்பு நுகர்வோருக்கு மலிவான மின்சாரம் (தொழில்துறை மற்றும் வணிக நுகர்வோருக்கு குறுக்கு மானியத்துடன்) என்பது தேர்தல் பிரச்சினையாகவே உள்ளது; இது, கடனால் பாதிக்கப்பட்ட மின்சார விநியோக நிறுவனங்கள், புதுப்பிக்கத்த ஆற்றல் தங்களது வணிகத்தை சீர்குலைக்கும் என்று கருதுகின்றன; மற்றும் நிலக்கரி சார்ந்துள்ள மாநிலங்களில் பல லட்சக்கணக்கான வேலைகள் மற்றும் வருவாய்களை வழங்குகிறது.
போக்குவரத்து:
இந்தியா, தனது போக்குவரத்துத்துறையை கார்பன் அற்றதாக மாற்ற, கார்களின் ஆற்றல் செயல்திறனை மேம்படுத்த வேண்டும், இறுதியில் அவற்றை இயக்க புதைபடிவ எரிபொருட்களைப் பயன்படுத்துவதை நிறுத்த வேண்டும். மின்சார வாகனங்கள் தொடர்பான கொள்கைகளில் பல மாற்றங்களுடன், இந்தியா முதல் சில ஆண்டுகளாக முனைப்புடன் செயல்பட்டு வருவது இது ஒரு லட்சிய இலக்காகும்.
"குறைந்த பட்சம் இன்னும் ஒன்றரை தசாப்த காலத்தில் இந்தியா மிகப்பெரிய எண்ணெய் எடுக்கும் நாடுகளில் ஒன்றாக இருக்கும் என்று சர்வதேச கணிப்புகள் காட்டுகின்றன" என்று பாட்டியா கூறினார். இந்தியாவின் கொள்கை, அதன் பயணிகள் வாகனங்களை மின்மயமாக்குவதை உலகம் உன்னிப்பாகக் கவனித்து வருகிறது, மேலும் நாடு இப்போது அதைப் பின்பற்ற முடியாத ஒரு வாக்குறுதியை அளிக்க முடியாது, என்றார்.
இந்தியா தனது போக்குவரத்து உள்கட்டமைப்பைத் திட்டமிடுவதற்கான ஆரம்ப கட்டத்தில் இருப்பதால், பசுமையான பாதைகளை மூடுவதற்கான வாய்ப்பு உள்ளதாக, கெல்கர் கூறினார்: "இது மோட்டார் அல்லாத வாகனங்களை ஊக்குவிக்க முடியும், நகரங்கள் சைக்கிள் செல்வதற்கான வகையில் மாற்றலாம், பாதசாரி உள்கட்டமைப்பில் முதலீடு செய்யலாம், பொது போக்குவரத்து மற்றும் தனிப்பட்ட வாகனங்கள் போன்றவற்றை அதிகரிக்கவும் மின்மயமாக்கவும் முடியும்" என்றார்.
இந்த மாற்றங்கள் - குறிப்பாக மின்சார வாகனங்கள் - உடனடியாக இந்திய நகரங்களின் காற்றின் தரத்தை பாதிக்கும் மற்றும் நல்ல உடல்நல பாதிப்புகளை ஏற்படுத்தும் என்று கெல்கர் கூறினார். பசுமை மின்சாரத்தால் இயக்கப்படும் மின்சார வாகனங்கள் இத்துறையின் உமிழ்வை மேலும் குறைக்கும் என்று அவர் மேலும் கூறினார். ஆனால் நிலக்கரி மின் உற்பத்தி நிலையங்களில் இருந்து புதுப்பிக்கத்தக்க மூலங்களுக்கு விரைவாக மாறுதல் இல்லை என்றால், மின்சார வாகனங்கள் உமிழ்வுகளின் மூலத்தை மாற்றுவதில் மட்டுமே முடிவடையும்.
ரயில்வே சரக்குகளுக்கு மாற்றுவதில் இருந்தும், டீசலில் இயங்கும் லாரிகளை நம்பியிருக்கும் சாலை சரக்குகளைத் தவிர்ப்பதில் இருந்தும் நிறைய கார்பன் உமிழ்வு சேமிப்புகள் வரக்கூடும் என்று அவர் கூறினார்.
உற்பத்தி:
வரலாற்று ரீதியாக, புதுப்பிக்கத்தக்க பொருட்களின் பங்கை அதிகரிப்பதன் மூலம் கார்பன் உமிழ்வைக் குறைப்பதற்கான பெரும்பாலான காலநிலை நடவடிக்கைகள் மின்சாரத் துறையில் கவனம் செலுத்துகின்றன என்று டெரியின் ஸ்பென்சர் கூறினார். ஆனால் சமீபத்தில் நிகர பூஜ்ஜியப் பாதையை, சீனா, தென் கொரியா மற்றும் ஜப்பான் ஆகிய மூன்று ஆசிய நாடுகளும் தொழில்துறை மின் நிலையங்கள் என்பதை, அவர் சுட்டிக்காட்டினார்; அவை தொழில்துறை மதிப்பு சேர்க்கப்பட்ட உலகளாவிய உற்பத்தியில் கிட்டத்தட்ட மூன்றில் ஒரு பங்கைக் கொண்டுள்ளது. அவற்றை பொறுத்தவரை, நிகர-பூஜ்ஜிய இலக்குகள் தொழில்துறை துறையை குறைந்த கார்பன் முறைகளுக்கு மாற்றுவதைக் குறிக்க வேண்டியிருந்தது.
உற்பத்தித் தொழில்கள், கட்டுமானம் மற்றும் தொழில்துறை செயல்முறைகள் 2014 ஆம் ஆண்டில் இந்தியாவின் மொத்த கார்பன் வெளியேற்றத்தில் 25% பங்கை கொண்டிருந்தன என்று, டிசம்பர் 2018 இல் UNFCCC க்கு சமர்ப்பிக்கப்பட்ட இந்தியாவின் இரண்டாவது இருபது ஆண்டு புதுப்பிப்பு அறிக்கையில் கூறப்பட்டுள்ளது.
இந்தியாவில் நவீன எஃகு மற்றும் சிமென்ட் ஆலைகள் அதிக ஆற்றல் திறன் கொண்டவை என்றாலும், மற்றவர்கள் ரெட்ரோஃபிட்டிங் மூலம் திறமையாக செயல்பட முயற்சிக்கின்றன என்றாலும், புதிய தொழில்நுட்பங்கள் மற்றும் எரிபொருள் விருப்பங்கள் இந்தியாவின் தொழில்துறை துறை நீண்ட காலத்திற்கு நிகர பூஜ்ஜியத்தை அடைய உடனடி ஆகிவிட்டன என்று, சக்தி சஸ்டைனபிள் எனர்ஜி பவுண்டேஷனின் திட்டத்தலைவர் சுபாஸிஸ் டே எழுதினார். அவர் மேற்கோள் காட்டிய எடுத்துக்காட்டுகளில் ஹைட்ரஜனை புதிய எரிபொருளாகப் பயன்படுத்துதல், செயல்முறைகளின் மின்மயமாக்கல் மற்றும் பொருட்களின் மறுபயன்பாடு ஆகியன அடங்கும்.
இந்தியாவின் உற்பத்தித்துறையை கார்பன் இல்லாததாக மாற்றுவது கடினமாக இருக்கும் என்று, நிபுணர்கள் ஒப்புக்கொண்டனர் - எரிசக்தி, சுற்றுச்சூழல் மற்றும் நீர் கவுன்சில் (CEEW) இன் சதுர்வேதியின் கருத்துப்படி, ஆற்றல் செயல்திறனை அதிகரிக்கும் தொழில்நுட்பங்கள் மட்டுமல்லாமல், மின்மயமாக்கலை ஊக்குவிக்கும் கொள்கைகளும் இதற்கு தேவைப்படும்.
ஆற்றலைப் பொறுத்தவரை, இந்தியத் தொழில்கள் மின்சாரத்தை நம்புவது 20% க்கும் குறைவு; எரிசக்தி, சுற்றுச்சூழல் மற்றும் நீர் கவுன்சிலை சேர்ந்த சதுர்வேதியின் கூற்றுப்படி, பெரும்பாலானவை மின்சாரத்தை விட மலிவான நிலக்கரி போன்ற புதைபடிவ எரிபொருட்களில் இருந்து வருகின்றன. ஏனென்றால், எரிசக்தி கொள்கைகள் குடியிருப்பு நுகர்வோருக்கு குறுக்கு மானியம் வழங்குவதற்காக தொழில்களுக்கான மின்சார விகிதங்களை அதிக அளவில் வைத்திருக்கின்றன என்று சதுர்வேதி கூறினார். "ஒரு தொழிற்துறை ஒவ்வொரு யூனிட் மின்சாரத்திற்கும் ரூ.10 செலுத்த வேண்டும், அது மிகவும் மலிவான விலையில் நிலக்கரியைப் பெற முடியும்?" என்று அவர் கூறினார், மலிவு மின்சாரத்தை வழங்குவதன் மூலம் தொழில்களின் மின்மயமாக்கலுக்கு இந்தியா முன்னுரிமை அளிக்க வேண்டும்.
(திரிபாதி, இந்தியா ஸ்பெண்ட் செய்திப்பணியாளர்).
உங்களின் கருத்துகளை வரவேற்கிறோம். கருத்துகளை respond@indiaspend.org. என்ற முகவரிக்கு அனுப்பலாம். மொழி, இலக்கணம் கருதி அவற்றை திருத்தும் உரிமை எங்களுக்கு உண்டு.
